終於... 收樓了!!!

等到頸都長，終於可以收樓... 實在太太太開心!!

約完律師再約收鎖匙，一個下晝攪掂!

向屋苑周圍巡左好多好多個月，今次真係可以行入去，感覺好特別... 嘻~ 第一次做業主。

雖然只係六百幾呎，但間格好實用，而且整得幾好，好滿意~~ 請左詹濟南過兩日上黎驗樓，睇下佢又點評先~ 希望快 d check 完，快 d 執漏，就可以搬家 lu...

好開心好開心好開心... 總算係 2007 年收樓丫~ 新年快樂!

a little good news~

今早收到律師電話，算係好消息呀!
下星期將會收信 lu~

雖然生日、中秋、國慶... 聖誕都就快過，算啦~~
過年一定可以黎玩喇!

熱切期待 -- my sweet house
(雖未搬得，但已越買越多 mc 家品，呵呵~)

救世軍

都唔明點解 d 反應咁慢...

終於收到救世軍 reply，捐錢好似仲難過晌佢拎錢，anyway 可以繼續助養返桐桐，真係好~

~~~~~~~~~~~~~~~~~~~~~~~~~~~~~~~

今晚去左食飯，結婚後第一次成個 family 食飯，感覺幾好~ =)

食飯中收到 ah man 電話，嘻~ 係我返工前既任務，咁開心，梗樂意啦!

意粉

過左大半年，公仔面終於變返意粉~~

整得好滿意呀!! 係時間耐左 d 囉~ 又凍又餓、兼勁眼訓... 哈~

唔駛 gel 頭，正~

Panasonic SD5

嘻~~ 上星期日終於買左 SD5，今次我地放棄左 SONY 呀~ (話說上次買 LCDTV 係 SONY 勝出)

又係去返上次買 DC 果間百老匯，送多 2 張 4GB 咭... 好野~

Full HD 有幾好暫時體會中... 但部機好輕，真係好方便呀!

之後仲買埋 photo wallet... 好開心呢... 期待一個月後既日本之旅!!

Maggie & Cilla

正準備出場既時候，MUA fiona 為我同伴娘 cilla 影相...



真係好多謝 cilla & fiona... 全日非常貼身照顧住我，辛苦你地喇~~

事前無諗到我地會同 fiona 傾得 & 夾得咁開心，當日好多賓客以為我地一早識 fiona 添!!

扮熊仔

哈~ 今日 load 返上頭時影既相上電腦，mocha 乖到似公仔...
又扮熊仔~~

感想 ~ maggie

想講好多好多句「多謝」...

籌備左年幾既大 project，終於完成左喇，當日一切非常順利，一 d 錯漏都無 (or 未被發現，呵!)，mission completed 之後未有覺得失落，反而覺得好 relax!

之所以咁圓滿，當然多得班兄弟姊妹啦! 聽到好多親戚朋友讚賞我地既兄弟姊妹好幫得手，真係好開心~ 都覺得好幸運 -- 我地身邊有你地!!

訓得好好，朝早 6:45am 都唔想起身，不過 7am 姊妹就開始化妝，我無可能仲撻o係張床度嘛... 3 個化妝師黎齊，雲師傅亦早早黎到拍低大家準備既情況，屋企開始好熱鬧，Fiona 好有心機幫我整個花花頭，好滿意!!

班男仔上黎之前，我地影左好多相呀! 都唔記得用左邊個部相機 lu，麻煩大家有靚相 send 返張比我丫... 10:20pm 左右，我要 lee 埋 lu，聽到出面好熱鬧，佢地玩得好開心呀，真係好想捐個頭出去裝下!!

敬茶既時候，媽媽送上禮物，亦送上祝福，好感動~~

出發去屯門之前，我地o係樓下影左 d 相，Frankie 同雲師傅好有心機幫我地諗點樣影，盡力幫我地留多 d 美好回憶，好期待睇返 d 相 & video 呀!

o係屯門屋企食完 pizza hut 美食之後，我就要趕換婚紗喇~ 真係要用個趕字黎形容，可能因為之前太悠閒喇，臨走好緊張快快著裙、手套、鞋... Fiona 見我地雞手鴨腳即刻出手，哈!

2:30pm 去到伊甸園，好混亂~ 全日最亂就係呢個位!! 超簡單既登記手續之後，無人話比我地知將會做 d 乜，唔~~ 趁機會同嘉賓們影相，仲有 mocha 呀!

註冊儀式由 Eden Hall 既工作人員 lead 住，真係聽一句做一樣，好緊張!! 律師遞左張證書比我地，之後突然唔見左個 MC，哈~ 禮成?!

禮堂要交場，我地走左去攝影區影相，著住婚紗o係個中式既攝影區影相，都幾得意~ 多謝大家都唔介意迫迫地等影相，影影下留意有 d 朋友已經走左 lu，真係唔好意思...

離開 Eden Hall 之後去左 Royal Garden 休息，本來 Frankie 主動邀請我地去外影，但個人實在太攰，我地決定爭取時間休息。除左對鞋，嘩~ 有 d 抽筋既感覺...

5pm 左右到酒樓，見到兄弟姊妹好落力佈置緊場地、reception，店長 Benny 都主動交代當晚既各樣安排，似乎好 ok 喎~

講真當晚我真係無乜睇過時間、無乜留意酒樓各樣野跟成點，十萬個放心去同我地既賓客影相、傾計!! 見每一個賓客都係為我地而黎，仲要大家排隊同我地影相，實在太感動! 嘻~ 你話一世人有幾多次機會咁丫?!

全晚著左 3 件晚裝，仲有裙掛 & 婚紗，Fiona 每次都用佢對魔術手三幾下幫我整個新造型，無論係我定各親友都好滿意，希望影相出黎既效果都靚!!

入場前 Fiona 問我心情係點... 答~「今晚玩之嘛~ 當 annual dinner 囉!」無錯，真係覺得係玩架，咁樣先可以與眾同樂嘛，大家都夠開心! 我地早早 agree 要主動去搵賓客影相，所以我地真係影左好多相，反而夜晚一張單人相 or 二人合照都無影喎... 呢個都算係小遺憾。

憑唔少親友既 feedback，我相信當晚大部份賓客都 enjoy 參與呢個 party，真好~~

多謝你地... 令我地人生多左一個好好好好美好既回憶!!

借黎睇下丫...

放左 4 日假喇，起身食食玩玩訓訓... 咁寫意既日子真係 ~~ 呵呵呵呵~~

Frankie 影既相未有得睇，周圍問朋友 "借" d 相睇，去左圈圈個 blog "偷" 相，嘻!!


好開心見到咁多新舊同事 =)


圈圈送既禮物，真係好有心思... 多謝多謝!! (疑問：點解你有張相既? 嘿~)


當晚嘉實齊齊為左搵呢 "粒" 廣告而 R 頭，嘻!! 係咪好好玩呢?

3 日紀念

結婚第 3 日，啟然繼續準備佢既 presentation，夜晚仲要出去開會。

今晚去左山林道食晚餐，nice~~

大日子 02.12.07

攝影師既相遲 d 先有得睇，暫時 share 朝早私伙相片：


靚女們 7am 就開始化妝喇，安排左 2 個化妝師，所以大家都可以慢慢整靚個造型~~


至於我同 cilla 既造型，就交晒比 Fiona 喇~


可愛既 mocha 都著左件小天使婚紗，幾 cute!!


We Are Ready!!

由於姊妹都掛住玩 & "講數"，影住咁多先!

Thanks Mum!

大日子前夕 01.12.07

Alex 車我地同 cilla 齊齊去 Floriade 拎花球，個花球真係好靚呀! 完全合晒我心意~~ 話說訂花當時其實大家只係靠講，並無一張相去 confirm 我想整成點架，所以覺得... 好犀利，嘻!!

3pm 就趕返屋企喇，因為要上頭嘛~~ 唔... 原來儀式真係得果三句說話架咋，話咁快就 "禮成"，好頭痛... 訓陣先~~

起身已經見到班姊妹齊晒人，o係度開緊會... 辛苦大家啊~~ ^o^

大姨媽黎我地屋企，整左好豐富既晚餐招待大家，連話要 "絕食" 既珍妮都食左好多呢~ 嘻! 真係好好味... 所以我都冒住第二日著唔落 d 晚裝既危機食左好多... 嘿!!

食完飯姊妹們繼續開會，仲有更大任務係執野，我地真係有好多好多野!! 淨係玩既用品 & 禮物都幾大袋，無錯，我地係去開 party!! yeah~

11 點幾 cilla & jenny 先走喇，鳳燕 & peggy 繼續留低為指甲扮靚 =) 而我就訓先喇... 因為真係好累，一覺就訓天光 lu~

Make up ~ final trial

病左好多日，今日狀態最差，偏偏今日就要去試妝... -___-"

第一次上去 fiona 既舖，心諗呢個女仔真係叻喇，做化妝之餘再開多間賣衫，真係好~

cilla 好有心機陪我，慢慢睇住 fiona 幫我化妝、set 頭... 試晒當日所以有妝 & 頭~ 可惜今日病到呆呆咁，影相都唔夠精神，要快 d 好返啊!!!!!

試左 3 個幾鐘，悶暈左啟然，不過都無心機行街，即刻返左青衣睇醫生。

過大禮 (續)

今朝 10 點先起身，太寫意喇~~

11:15am 啟然 & wandy 黎 "過大禮"，拎左好多野黎呀，2 個人拎咁多野，犀利!! 哈~

好開心好熱鬧，因為大姨媽、梅芳姨 & 肥 BB 都黎左，肥 BB 實在太可愛喇，一定要 post 張相出黎比大家睇下... 5 個月大咁 "健碩"，好大力，我地話佢係 "超能 BB"~

諗住影過大禮既相，唔記得左~~

唯有擺張過大禮前 30 mins "Mocha 蕃薯" & 蓮藕合照

過大禮

聽日就係過大禮喇~~

其實對於傳統要點做，屋企人都唔係好考究，所以早早決定唔會買 d "儀式" 用既野，簡單 d，不過啟然而家o係屋企執緊，話淨係海味、禮餅、生果籃呢 d 都唔少呢，仲懶神秘唔講有乜，聽日咪知囉! 呵~~

下星期開始派帖喇~!!

printer

屋企部 printer 太少用，換左墨到佢乾死都印唔到幾多次，想印返野都好懷疑佢會唔會已經唔掂...

反正新屋都會用嘛~~ 星期二晚食完飯就即刻去豐澤買左 hp 部新機，白淨靚仔~ ^o^

貪佢可以 wireless 印野，第日就算只用 notebook 都好方便呀!

兄弟姊妹 gathering

尋晚屋企好熱鬧，因為我地約晒班兄弟姊妹上黎開會 & 開餐~

Mocha 簡直就成為大家既焦點啦，無大無細 -__-"
佢比間條袜哥哥嚇傻左，自閉左一陣，醒醒又無事 lu~

好開心...

新屋入伙之後再一齊玩呀!

訓得咁辛苦呀你?

明明你有張床仔，做乜 lee 返入個籠度訓呢...

靚靚邀請咭

Franky 幫我地 design 左張觀禮 invitation card，同我地自己 design 既帖感覺有 d 唔同，2 張印左出黎效果都好好呀，大家都滿意!!

多謝伴郎 Franky!!

請假

決定左等啟然 sem break = 1 月先去旅行，但都照請晒 2/12 之後一個禮拜假，唔~ 相信執屋既時間都唔夠... 到底幾時收樓呢? 煩~

from patrick

為什麼

眼前的、新增的... 重複著十小時不能放緩的精神狀態
不肯定那飄忽的方向
小小的空間，越來越多嘆氣聲

氣氛不好、心情不好、成績不好、身體不好...

這陣子，擔心著這樣那樣
倒數著一個多月後的大日子，想著沒有時間、精神去準備
回家都夜了... 的確很累... 卻不能入睡
很大壓力... 整個人很 tight

為什麼有這麼多掛慮...

姊妹團開會

尋晚兄弟 & 姊妹團分別開會
姊妹團黎晒我屋企，Mocha 就最開心啦~~ 見到個個姐姐入黎都要熱烈歡迎!

花左 80% 以上時間研究大家既造型... 本來唔係我地 agenda 之內既 topic，嘻!
仔嘛~~ 貪靚係應該架! (好在仲有 d 時間傾左早上既遊戲~~)
珍妮好偉大咁借左把秀髮出黎比大家任試任整... 你既耐性真係超強啊!

散會已經係 12am 喇，真係好多謝你地...

LCD TV ~~ 決定左喇!

星期五晚啟然接我放工，本來只去食晚飯，行過豐澤又睇 LCD TV 喇...

Display 在最有利位置既仍然係 SONY & SAMSUNG，不過今次比較得仔細 D，個 Sales 真係好人，唔 hard sell... (下刪數十字)，最終係 SONY 勝出!!

佢送左好多野比我地呀，最估唔到係有支紅酒囉~~

金都之行

一路都唔多鍾意金都呢個地方，實在聽過太多呃人既個案... 今次係為左買 d 濕碎野，一入去就幾個鐘喇~ 嘻!!

買左入帖既利是封、紅色遮 (有花邊架~ 嘻)、貼紙、禮炮仔..... 仲有訂左小禮物牌仔，不過要成個月先有得拎... -__-"

前幾日啟然 dad & mum 去左試紅酒，今晚我地上去 confirm 埋 lu! 佢地試過推介既萬麗 house wine 覺得唔夠好，再揀左 2 隻貴少少既留比我地決定，其實我無試過，都無打算飲架... 結果啟然試左就揀左 Aust.，其實佢地話好飲就得喇，我諗住飲利賓納架嘛!

Gathering

事源上星期去聽個 HR seminar 之前同 ah man 通一通電... 今晚就約左 ming 姐、ah man、珍妮同 winnie 出黎食飯.... 當然傾計先係重點既!

大家問起我 2 個月之後既大日子準備成點，唔... 似乎身邊越來越多人鞭策緊我，個個都話放低而家煩緊忙緊既野~~

好開心可以同你地傾一 d 我覺得好唔開心既野...

好慶幸有咁樣既前上司、同事 & 好友，多謝你地!

如果下次約埋 Michael 哥仲好喎!

LCD TV

尋日放工同 mum 去左青衣城食 lunch，順便去豐澤睇 LCD TV...

其實都唔係好識分邊隻好，不過見 Samsung 新出果 2 款個樣都幾型仔，嘻... 係咁睇來睇去，個 Sales 又係咁介紹，服務真係好~~

夜晚同啟然去睇戲之前又遊多次(途中已經比我係咁 sell 佢 samsung 好靚~)...

到底買 SONY 好定 SAMSUNG 好呢? 有冇介紹呀?

中秋節

尋日中秋節早放 2 個鐘架，但係唔關我事呢...

唉~ 要出糧無辦法啦!

到差不多 7 點(我都打算走果時)，突然發現出面好多燈熄左

嚇死我呀~ 唔係 d 人走晒鎖住我掛?! (話說我地 Dept 已搬左去個自閉位...)

即刻走出去，好彩仲有 1 個同事呀!! (或者佢都唔知我未走)

哈哈~~ 係咪好無聊呢?

夜晚食完飯... 我地帶左 Mocha 出去賞月~ 嘻!

d 途人都對佢好有興趣~ 話佢好似公仔、好似熊仔...

有個小朋友好想摸又好驚... 個樣好攪笑!

今日放假，訓左半日。

之後同 mum & 啟然去睇傢俱，都係得個睇字... 幾時先有得收樓?!

睇左好多都岩心水呀，但確實要度清楚晒 d 位先可以決定~

今晚搵左鳳燕，好多謝佢樂意做姊妹呀! ^o^

兄弟姊妹團

多謝你地呀~~~~

今晚同兄弟姊妹團食飯，好開心... 突然覺得自己都唔係無朋友既，哈!

我地專登約富臨食，可以視察下環境嘛~~
早一晚已知道佢地換左 backdrop，仲話整左 5 位數字，不過無乜期望，去到反應係：我都係鍾意之前果個多 d... 唉~ 人家轉晒喇，邊有得比我揀要返之前果個喎! 努力諗左佈置方面既工作...

大致上分左工 lu，多謝大家都咁幫手，真係無以為報...

到你地結婚時搵返我啦!

請帖

終於有 d 野可以 update...

請帖已經 design 好，長老們睇左都話 ok

即係可以印喇~~

一路開始邀請我既各方好友 ^o^

其實邀請人既時候係好開心，但又覺得唔知點咁...

自己覺得同人地係朋友，唔知人家會唔會唔係咁諗呢?

所以好多謝你地一口應承~~

真係好大鼓勵...

有時無聊都會諗，會唔會無人黎架? -___-""

-__-

自從 Kathy 離開公司之後，真係忙上加忙
越來越發覺靚妹對我好重要啊~ 哈!

呢幾個禮拜真係好辛苦... 好在 Esther 大力支持!

朋友問我婚禮準備成點，自己諗返真係好似停滯晒咁~
應該係自 3 月轉工之後就係咁喇!

要好好加油!!

Kittie's big day!

咁快... 真係唔覺...

今日就係 Kittie 既大日子~

記得一年幾之前我地仲講緊一齊籌備

雖然結果都係各自忙碌，嘻~

婚宴感動之中有點攪笑

無遊戲但感覺都幾 OK 喎... 可能自己有份出去齊嘩嘩影相啦~

唔知 2 個幾月後我既大日子又會係點呢?

Our trip to Thailand (Sep 8~11)

映豆腐的冬蔭公飯 & 泰式車仔面味道不錯 (不是殺蟲水味~~)，但吃起來很 "滴汗"，很快便放棄了...

結果本來被我們批評為很 "粉" 的蝦丸，到了沒有選擇時，我還是吃了大半碟...

好看不太好吃的 Mr. Bun

很值得介紹 -- Breadtalk 的 toast set (邊食邊偷影鄰座可愛BB)

Happy Birthday to me~~ yeah!

跟著旅遊書介紹，去了 Lumba Lumba "嘆" 魚翅撈飯豐富晚餐，2 人食還不用 HK$400，抵!

別忘了記錄 CX 餐 x 2 (預料之中，去程比回程好味啊... 尤其是 Mega 跟那像奶昔的香芋雪糕相比...)

上機後打發時間，才想起沒有合照... 唯有來個自拍~ 嘻!
================================================

「Mocha 你係度做乜野呀?」

「弊~ 比人發現左 tim!」

回家一開門，Mocha 以超級興奮的表情迎接我們，哈~

在 weekend market 買了一條大蝴蝶 + 花邊牛仔裙給 Mocha，想不到 Mocha 竟然無條件就範，還不願脫下... 我們拿了給毛毛狗公仔試穿，Mocha 即時發火啊... 呵呵~~

還是這個傻瓜樣比較可愛~~

bday trip

明天出發喇~~~

成個星期衝衝衝... 終於到星期五，expect 準時走點知都係 9 點...
懶係好似去好耐咁，樣樣都交低，其實只不過唔見我 3 日姐~ 嘻!

無乜好詳細 plan 過個行程，或者會有驚喜!



終於可以放假，太好 lu...
星期三見!

o...f...f...e....r...?

上星期某日收到前上司既電話
聽左第一句已經估到大半...

都唔知應唔應該開心。

好多謝佢提出呢個邀請，至少我會覺得自己都有 d d 價值 (呵~)
同時諗返起當日我離開時，佢同我講既說話
被認同既感覺真係好好。

佢表達左佢既睇法，無疑發展機會係有既
但貿然再重新開始，需要更多心機、時間...
呢一刻真係 afford 唔起~

距離 big day 剩下唔夠 3 個月
但好似投入去準備既心神越來越少
工作真係...

算啦~~
都叫做係自己揀既...
今年咁勇去轉工，真係有得必有失囉~

計劃行程

呢段日子真係好忙
連去旅行咁開心既事都難令我提起勁...

今個 weekend 拎左 employee survey 返屋企做 analysis
又準備埋 Leaflet Distribution 個 presentation...
總之好想快 d 攪掂手頭上果堆 ad hoc 野
怕自己放假時 Esther 一個打十個會頂唔住 (不竟都係新同事嘛...)

(有人仲問我會唔會 spare 到 d 時間幫手做 membership data entry真係火到黎埋... >___<" 哈哈~~)

星期日晚飯後終於有時間開始睇下 d 書
已揀定左 d 地方要去喇~
星期日一定要去翟度翟... 希望買到合心意既小禮物啊~~
生日又點過好呢? 嘻~ (應該算係第一次o係 "外地" 過生日 ..^__^..)

點 plan 都好
最緊要係放假期間個人同個心都要完全遠離工作!

Very nice days......

繼上兩個禮拜 Oscar 走左之後，今日係 Kathy 既 LWD...
呢幾個月真係好開心~~

以後o係唔同地方一齊努力!!
Kathy 要比心機讀書呀!
Oscar 要好好保重、身體健康!

Happy Birthday

It's your 28th birthday~~~



這個小朋友只是路狗甲... 還有 9 個多月才到一歲生日啊!

I'm sleeping...

長隆 2 天遊

12 ~ 13 Aug 07

第一日去到 settle down 都唔早喇
唔知係咪因為搭車搭呆左，狀態麻麻...

5 點去左長隆歡樂世界
主要係為左睇夜晚既馬戲~
玩左果個十環過山車真係好恐怖... 不過暈一暈反而醒晒!!






馬戲真係好正好正! Oscar 果然無介紹錯啊~~





第二日去左水上樂園，好曬...
租左個雙人大水泡，去造浪池、飄流池飄下...正!
好多野都想玩，但超多人排隊 & 要指定人數先玩得
全日都好曬，竟然o係離開時突然狂風暴雨
好彩~~~

Get lost...

一下子要接受咁多轉變... 思緒混亂...
令自己跌入 emotional 狀態
感覺失去左支持，有點 get lost

好似一切又要重新開始
好辛苦...
忍住忍住...





聽到你地對我既評價
真係好欣慰
我都慶幸可以認識到你地、同你地一齊工作
呢個三角組合，係其中令我鍾意呢份工既原因

支持你地既決定，記住要好好珍惜機會
唔開心只係因為唔捨得，絕對唔係怪你地
Don't say sorry to me

罪証

唔明點解 MOCHA 咁鍾意我對拖鞋，攬住唔放...
我著住果時佢照咬，腳趾都比佢咬埋...

8 號仔

今日足足用左 double 時間先返到屋企呀~

其實都算好彩喇，等第 2 架車就上到，迫爆到由下一個站開始到青衣都無上過客，望住沿路等車既人，每次有車埋站又無得上，表情流露晒佢地係幾心急、無奈、憤怒...

呢 2 日趕 payroll 不見天日，2 日都無食 lunch，好彩係今日先打風，如果係尋日就算點我都無得走喇... soooooo tired... 返到屋企就訓覺 lu!

尋日 in 左 2 個 HRA，尚未決定... 希望辛苦既日子快 d 過去~

BB Mocha