為食 mocha b

個咀唔捨得離開支益力多冰冰~~

moc moc 又 lee 埋向梳化底喇...

佢自己攝入去，仲可以 u-turn 轉返個頭出黎... 勁~

唔知入面係咪好舒服呢? 好似好享受咁樣~~

不過佢姨丈一有行動，佢就會攝攝攝返自己出黎... =)

moc moc 食北海道帶子

超級為食既 moc bb...
大過1蚊銀既北海道帶子，好食都唔停得口! Yummy!!

除夕晚餐 ~ 美味皇帝蟹

好開心呀! 我最鍾意食蟹!!
媽媽去美食嘉年華買左隻皇帝蟹~~ 唔係1蚊蟹呀，不過 $3XX 咁大隻都好抵呀!!
好鮮味呀~~~~~~



拆開條繩仲大隻左，拉開黎影相，d 刺好鬼拮手...


moc moc 都食左成條鮮蟹柳呀~~

板仔moc

明明眼訓到暈，不過姨丈唔入房 moc 都唔會 "安心" 去訓覺，唯有攤o係 sofa 繼續死頂...

突然出面有狗仔 friend 呼喚... 2 秒已經彈起身~

moc：咦?! 邊個叫我? 係咪 call 我去玩?

無發現，唯有收隊...

moc：姨丈~~ 你幾時先訓覺呀?

紅白藍mocha

邊個虐待 mocha?!

袋入紅白藍拎去邊呀??

嘻... 真相係呢隻小朋友好鬼曳，趁我地執野比人黎裝修，自己死都要跳入去個袋，仲玩到唔捨得出返黎，係咁咬我張毛巾被!!

moc moc 剪甲甲

moc moc 最驚剪甲甲 (仲有係入浴缸)，不過唔剪太跣腳，所以今日就由 moc 媽 & moc 姨丈，2個人 4隻手夾攻 moc moc...

由 moc 姨正在獨家報導~~~

moc：好無奈... 幾時先剪完?

moc：哇~~ 媽媽剪到我隻手手呀!!!


moc：好痛哦~~ 姨姨快 d 黎救我...

moc：嗚........... (fing 頭中)

moc：呼~~ 終於剪完，無晒力... 好在有零食補返!

moc 姨丈隻手花晒，壯烈犧牲...

下次再話剪甲甲，可能姨丈仲驚過 moc moc... =)

i'm so sleepy

出浴照

應該係話出浴前照

次次都係咁，一放佢入浴缸就驚到扯實個扶手... 唉~

踩場攪事呀!!

話說今晚我地出晒街食飯，返屋企一開門... 就係咁喇...



明顯有個細路好唔高興，因為無得出街就攪事... -___-"



結局就係比 moc 媽打 pat pat，咁曳唔抵幫! 打多 2 下丫!!

不過好快佢就唔記得左呢件事，唉~

moc moc 又黎喇...

moc moc、moc 婆婆、moc 媽媽今日黎左我地屋企，打邊爐 & 一齊睇與敵同行大結局，我幫 moc moc 影左 >100 張相呀... (moc 爸因為好夜先放工，無出現...)

moc 勁開心既節目：去隔離屋搵波仔


佢唔攪事既時候，其實真係好得意架!!

放左一半相在 facebook：

http://www.facebook.com/album.php?aid=45907&l=937e4&id=573946093

生日禮物 from moc

上回話說我屋企多左個新成員輝輝，補記返係 moc moc 送比我既生日禮物呀!!

偷左 3 張相返黎，嘻!!


學人寫生日卡... 但點解我收到果張無腳印既?!


moc 後面果個係 mcdull 廁所板套，好得意架! 可惜屋企個廁所板唔岩 size，要研究下點樣先套到落去...

扮可愛

扮可愛 (正等餵食中...)

moc: 我又食雪條

為食到丫... 失禮... =)

moc moc 的生日蛋糕

終於有時間記返呢個製作過程：


薯仔 (2個) -- 清水烚熟後壓成薯蓉
狗狗芝士 (2條) -- 切成細細粒
清水吞拿魚 (半~1罐) -- 用叉將魚肉整散
瑤柱 (半粒，如細粒可放1粒) -- 用熱水浸軟後叮一陣
蝦乾 (1隻) -- 用熱水浸軟後叮一陣


將所有材料攪勻，戴好膠手套就可以開始整薯餅，各式形狀都可以!


放入焗爐，180度焗 30 分鐘左右


非常好味 & 吸引~~~

一打開 moc moc 就即刻坐左係面前喇~~~

live with moc

迫遷...


moc moc 黎左我地屋企住呀!


其實我同老公都覺得無問題，非常歡迎，moc 咁可愛，佢唔攪事就得架喇!!



~~可愛大頭相~~

第一日似乎唔係好慣，moc 好似好驚我地賣甩佢，行到邊都跟到實， 或者佢都未認到邊度門係大門、邊度係房，總之就唔知會唔會突然之間 d 人走晒，淨低佢向一個唔熟悉既地方啦~~


過左成個星期，佢已經好習慣，因為開始有 d 攪事，得閒無聊咬下野，幸好殺傷力唔大，哈哈!!



玩玩下突然好眼訓... (周圍都仲係公仔)

moc moc 1 歲生日會

31/5 o係我地屋企舉行左 moc moc 既 1 歲生日會


moc moc 食既~~ 全部都係我整架!! 超吸引... (遲d補返詳情)


人食既~~~ 麻辣火鍋


同場加映：貴婦 moc moc(左) 與 貴婦波仔(右) 相遇記


moc 好似好唔鍾意波仔咁... 係咁擰開塊面


moc moc 與婆婆