回歸假期... 空白

啟然呢 3 日入 "camp"，日以繼夜開集思會，佢好辛苦，我好悶...

30/6 同媽咪去左睇「戲王之王」，無預期咁好笑，學至同事話，呢 D 屬於要帶個腦入去睇既笑片~ 晒左好多 fotomax 8F 相，嘻~ 用盡 D 日日賞喇!

1/7 全日呆滯中... 無出過街，下晝睇完已經睇過一次既「十分愛」，無無聊聊訓著... 起身睇煙花... 咁又一日~

2/7 期待啟然出 camp，點知等呀等... 差不多成 3 點先見面，佢又咁累，行左一圈就返屋企 lu，返到去佢大昏迷，唔...

揀好花球喇~~

今日下晝又去左中環間花店，上次摸門釘，今次穩陣 d 食 lunch 打電話過去再 reconfirm...

Floriade 個老闆娘好好人，同我地傾左好耐，又叫我地再出去比較下先，佢一定唔知我未黎已經決定左架喇~ 嘻!!

我個靚靚花球決定用大牡丹 + 玫瑰 + 桔梗... 佢送多左 1 個唔同款既新郎襟花，好野~ 早晚可以轉款~~

另外屋企人、兄弟姊妹會用幾款唔同既襟花，全部都係鮮花，雖然比起其他地方買要雙倍價錢，但好靚架! 值得既!

Count down

無聊地加左一個 count down...
都幾得意丫~ 哈~

傢俬

近幾個月出街都會好自然去左睇傢俬，尤其係 IKEA，越來越鍾意佢 D 產品，淨係行都已經好開心，樣樣都喜歡，好似果個大大磨砂趟門衣櫃，次次去到例必埋去摸摸佢，明知睇幾廿百次佢都一樣，更明顯知道九成都搬唔入我個 6 百幾呎既單位... 一心諗住 -- 如果佢出個細仔版就好喇~~

今日目標係 B&Q，賣行廣告好似大到要行成半日先睇完咁，精彩既係佢吸引到人山人海，大概因為整個 mega box 都無野好睇，大家唯有滯留o係 B&Q，同行 IKEA 一樣，總會發現有 D 人坐o係度訓覺，係咪要試真 d 張櫈?

B&Q 比我既感覺係似逐漸升級既實惠 + 高級裝潢五金舖，佩服真係連水泥、木板都有得賣，但心諗要買呢 D 野既人 (大多係裝潢師傅喇掛)，又會唔會向樹買呢?

行完 B&Q，都係忍唔住上返去德福 IKEA 逛返個圈~~ (仲食埋個爆谷添，嘻!!)

花球

我發現自己好重視個花球 (唔知點解)，但唔在意租架咩車，哈~ 可能真係男女有別!

睇左好多人既介紹，特別對 Floriade 既花情有獨鍾，決定去花店睇下，點知人家出左 job 我地摸門釘，激死~~ 重點係佢個位置真係好鬼衰，唔近 MTR，仲要行條長命斜...

約實下個星期再去!!

mcmug mega sale~~ again!

最鍾意係佢... 個咀!!

呵呵呵呵呵呵呵呵呵呵呵呵呵呵呵呵呵呵呵呵呵呵呵呵~~~~~~~~~~~~~~~~~

好開心呀... 又去買豬仔~~

又攞新屋做藉口樣樣都話岩用，哈... 建立我地五星級的小豬家?!

一買又廿件，搭車返屋企時諗緊到底我有幾多 mcmug 野呢? 嘻~~

好幸福啊~~

半年... 倒數...

日子真係講講下又過左去... 今日係我地結婚前倒數半年既日子，無乜特別慶祝，感覺就係「咁快既~~」

每當數數手指仲有幾多日，就覺得好似未準備好，但事實上又唔係咁得人驚... 唔知係咪心理上既準備...

近日擔心收樓既問題，已經花上好多精神，希望一切順利!!

Your Last Day

我個好 partner Rachel 今日 last day 喇~ 合作左 2 個多月既時間，真係好開心! 其實好唔想你 last day 都咁辛苦，不過陪到 11:15pm 真係支持唔住，聽日我要返工...

不足既地方人人都有，到底佢都係一個我好欣賞既女仔... 正如阿 head 話，佢係咪鐵打架?!

從前被教既，今日留左比佢 -- Work Life Balance... 工作永遠都唔會完架喇! 希望你下一份工同樣做得開心但唔駛咁辛苦~ 我會同奧斯卡會繼續努力!

By Maggie

Happy Mother's Day

同啟然去買左好多靚海鮮，為媽媽泡製左超級美味 (呵~) 海鮮餐，母親節當然快樂啦!

2nd trial

下晝去左試衫，其實本來打算 3 月去，遲遲下都已經好似無左件事，如果唔係 Crystal 主動打電話比我，都唔知幾時先會上去...

今日狀態不佳，主要都係帶埋媽媽們上去睇左我揀既衫，過左佢地果關先，嘻~

返左 d 新衫，好靚呀~ 哈... 轉晒喇~~ 只剩上次一見鍾情既 "公仔衫"~~

下次要約 Cilla 上去揀喇~~

By Maggie