狗狗

屋企多左個新成員啊...

好可愛既貴婦 BB

好得意，但我又好驚...

得果 2 個月大，超級活躍，成日跑來跑去，係咁跟住媽媽 (咬住人家既褲腳)，仲以為地磚崩左果個位係粒狗餅，成日走埋去聞聞下，笑死我地!

下次 post d 相~

Invitation Card

終於用 AI 完成我地張帖喇~ 嘻! 第一次認真用呢個 software，好彩有個阿 sir 向我隔離...

其實本來打算用酒樓送既就算架喇，後來諗諗下又想做好 d，就搵 d 喜帖公司 & freelance 做 design，不過始終做唔到自己既 idea，所以就...

雖然設計只係好簡單，但有紀念價值嘛... 嘻!

10 月入伙

嘻... 算係落實 10 月收樓喇...

好快... 下個月去完旅行就要好好準備處理各項手續囉!

話需未搬，但準備要搬去既地方已經有好多

尤其係各樣廚房小電器 (好似準備將來整好多正野食咁?!)

一個屋仔真係容納到咁多野嘛...?

病

尋日唔舒服，早走返屋企狂訓，由未夠 6pm 訓到第 2 日 6:30am，醒醒仲係唔對路，send 個 sms 比 S 再訓... send 完又收到 Oscar 留言話佢又睇醫生，要通知 S 又要通知 Kathy 邊度搵求救開門... send send 下都 7:00a.m.

除左睇醫生果一個鐘，其餘時間都係昏迷狀態...

好似食左懵仔丸咁... 哈哈!

加油啊...

唔開心聽到你有結解唔開
好開心你選擇同我分享
無論如何一定支持你
好好加油~~

呢 2 日腦海中不斷出現呢首曾經好鍾意歌
記得係我好唔開心既時候，好朋友珍妮送比我既~

童年裡每天都擁抱毛布小丑
從前我覺得它的生命比我重
那份幼稚　那份笑容 也在時光失了蹤
　
從頭我再找一位好友更得寵
從前我覺得她的喜怒比我重
結伴上路　跌落時空 再重要始終都會告終

當　甜美無法不朽　回頭清風兩袖
沒法來笑著擁有　就要哭著放開手
如果難以忘記傷口　記得不要追究
學會從時間中找到了出口 時光不會白走

從頭再去找真心所愛去相擁
情人卻要走一聲珍重比我重
抱著發夢　美夢成空 有日這雙手總要放鬆

想　誰愛誰會不朽　誰人貪新厭舊
熱愛誰那樣深厚　亦有一日要分手
時光能夠溶化傷口　記得總有星宿
沒法長流細水跟最愛廝守仍懂得笑得走


無論人又好、習慣又好
隨著時間過去，總可以令佢對自己既影響越減越低
要為自己找到出口

入伙紙

收到律師信通知，政府已出入伙紙喇...

到底出業權轉讓書要幾多時間呢?

期待... =)

Yummy~~ 冰凍甜品

好味 + 消暑 = 正正正

~~~ 材 料 ~~~

芒果 x 1 個 (因為屋企得 1 個，其實 2 個應該會更好味!!)

西柚 x 2 個 (小心拆肉，唔可以有 "衣"，唔係就會好苦)

椰果 x 1 罐 (切細粒，襯返 d 芒果同西柚)

西米 x 1 小包 (浸一陣凍水就可以 boo，一邊攪勻)

椰汁 x 1 小罐 (整完晒先落)

得閒再試另一樣!!

Pre-Honey Moon

今年生日將會o係 Thailand 渡過~!!

機緣巧合... 我地又買到 cathay 平機票，好野~~

pressure

聽到你既說話... 忍唔住應左一句
其實唔應該同你講既...










繼續努力
希望能承受更多...

回歸假期... 空白

啟然呢 3 日入 "camp"，日以繼夜開集思會，佢好辛苦，我好悶...

30/6 同媽咪去左睇「戲王之王」，無預期咁好笑，學至同事話，呢 D 屬於要帶個腦入去睇既笑片~ 晒左好多 fotomax 8F 相，嘻~ 用盡 D 日日賞喇!

1/7 全日呆滯中... 無出過街，下晝睇完已經睇過一次既「十分愛」，無無聊聊訓著... 起身睇煙花... 咁又一日~

2/7 期待啟然出 camp，點知等呀等... 差不多成 3 點先見面，佢又咁累，行左一圈就返屋企 lu，返到去佢大昏迷，唔...