M1 Training - review

明顯今日大家既心情都輕鬆左 (只係忘記其餘堆o係檯面既工作)!

坦誠既 debriefing，確實可以使人進步，繼續努力!!

好舒服的一個工作日。

M1 Training

終於完成 lu... 雖然只係第1堂... 嘻!

不過第1堂好有代表性架~ present 時不單止係同事既 trainer，亦係做緊 demo 比 3 個新 trainer睇，同時又比 2位 directors 評核緊喎... 所以比起正常上堂，多左好多人，成個場面好熱鬧!!

好開心見到 d 同事好投入，有 d 我地覺得好笑既佢地一 d 反應都無，竟然係我地覺得無乜野既位，佢地會大笑~~ 真係估佢地唔到! overall 氣氛好好呀! 上完堂都無人起身走~~

不枉我地尋晚咁辛苦 modify 個 content 同... 自己個人!

呢個只係一個過程，希望能夠開花結果... =)

M1 Training - rehearsal

今日專登拎部 notebook 返公司做 rehearsal，由 2 點幾開始，就同 winnie 去 set 場，邊改 ppt 兩個人又唸下 d 講稿、作下故仔&笑話...

4pm 正式 rehearsal，之後又檢討，真係唔覺唔覺又過幾個鐘... 係辛苦，但係 productive & inspired~~

10 點幾先抱住部 notebook 返屋企，成個人就快散，本來打算返屋企再睇一次，結果當然係休息下把啦!!

轉工 ~ 新開始

唔係講緊我...

老公終於轉工喇~~ 大學畢業第一份工就做左 6年，對我黎講真係太勁... 我由畢業到而家，一隻手都差不多唔夠數，嘻!!

最緊要都係做得開心、有得發展...

老公第日返北角，雖然佢返得遲過我、放得早過我，但係我地都可以一齊返工放工喇~~ 哈哈哈哈!!!

OT

其實都唔算係乜好辛苦 OT，大概只係比放工時間遲1個鐘...

不過連續幾日，都係我同 Winnie留守最後，感覺就好似... 唔... 唔係好鍾意係最後果個。

22/5 就上 M1 1st class，加油!!

忙忙忙於 training，差點顧唔切 attendance system，無論如何一定要 6月行到新 system!!

希望一切順利!!

新屋聚會 ~ CU fds

今日~ 老公中大同學 & 朋友上黎我地屋企玩~~

有個舊同學既男朋友精通台灣牌，就o係1個識3個唔識打既情況下，佢地都可以玩一餐， 我遠距離觀戰 (正做緊公司野)，聽到好多規矩，唔識打果3個好似唔知自己做咩咁，情景都幾攪笑~

今朝起身就整沙律 & 雜菜湯，預左夜晚食，大家都讚 taste good，keke!! 另外我地叫左 pizza，係新果個手指仔批，已經係呢2個星期第 2次食，所以興趣不大... 不過海鮮寬條麵同吞拿魚煙肉螺絲粉始終都係好好味!!

食完佢地好有心機咁睇結婚果日既 dvd，我又要繼續我既工作。

居屋

同事最近申請抽居屋，今日 send 左 d 相比我睇，原來新呢批睇落都幾靚喎!! 間隔四正，好似無乜呃錢位，夠實用丫!

睇埋價錢仲要加個抵字比佢~~ 即係如果 quality 都係 ok 既話... =)

如果佢抽到，第日要上去親身感受下先~ 嘻!!

食物敏感

今晚返左青衣食飯，食完飯發現老公個身有 D 紅左，呀~~~~ 食物敏感?!

食左藥好左少少，不過都係唔放心...

出左葵芳睇醫生，個醫生真係好鬼求其，問左兩句就答左十句好行貨既野，唔... 我都知好多野都有機會引起敏感，人人都有機會食物敏感，咁... 咁佢就打發左我地走喇~

快 D 好返!!!

moc moc 下水禮

就快1歲既 moc moc 沖涼就試得多喇，未試過自己浸浴缸，今日一場黎到我地屋企，一於試下佢... 識唔識游水!!

結果係... 勁驚!! d 水只係浸到對腳咋，佢已經係咁縮，成隻企向度，對手死都要拉住人，唔... 邊個話狗仔係天生唔怕水架?!

被玩一輪之後，到佢強迫姨丈同佢玩，唔玩又嬲嬲... 哈! 次次都係呢個樣：

Training

今日好忙，完全無時間留o係自己個位，知道好多人 msn、email、電話搵我... sorry!

見到 3 位由分店升既 trainers，忽然覺得好欣慰，因為成個 selection process 經歷左好多野~~

其中有個同事既老公一直堅持唔比個同事接受呢個 offer，覺得佢「一個女人仔，有份穩穩定定既工咪算囉! 做乜要去攪咁多野」，同樣身為一個女人仔既我，真係覺得好忟! 點解 d 男人咁自私架?! 個老婆咁有上進心，想去學野、想有更好既事業發展，最 impressed 係佢好想做個好榜樣比個女睇!! 男人偏偏多多阻撓，佢既執著令到我個同事好唔開心，我地都刻意作出安排去配合佢老公擔心既問題，但一傾再傾都係 say no... 為左唔想再同個老公嘈交，同事唯有放棄自己既理想... 傾左咁多日，尋日 lunch 前收到呢個決定，好無奈，算啦...

2 點幾接到個電話：「Maggie，我決定唔會放棄呢個機會呀，因為我真係好想好想去學多 d 野... 我老公果度，我有信心可以傾得掂架喇...」

同上次康泰事件一樣，最後一刻出現曙光~~ ^^

想用「好感動」黎形容當時既心情，幾句說話令我更加欣賞呢個同事... 雖然心裡都擔心佢老公既反對聲音會再次影響佢，但亦有信心，因為只有我同事最明白佢老公係乜人嘛...

今日專登問下佢尋晚同老公傾成點，原來係靠女人最大既武器!!

上晝同 man 開會，下晝上左 Tip Top Grace 教既 Train the Trainer，同 3位 trainers 開左個小會，又安排度身造新 uniform... 好充實!!

好多野殺埋身... 開始覺得... 擔心應付不來...