可憐為食豬

今日婆婆去聯合看外科醫生，個醫生好似乜都唔清楚，答問題很猶豫，知道婆婆手術私家做，句句也勸我們去找私家跟進... 無藥無照腸鏡期，簡單講幾句便打發了我們，哇…浪費時間!!

試煲了新鮮大眼雞粥，總算吃了少少，雖不是非常合作，最少沒有喊，之後請魚魚食甜餐包，吃了一半我收了，魚喊到好大滴眼淚，餘下半個都給她了，吃罷對著膠袋爆喊，忍不住要影相，又可憐又可愛!!

生日輕鬆遊

20150126

爸爸努力返工，今日我和婆婆帶魚魚去大本型逛街，閒日商場真的很靜，不少店舖12點還未開門，逛完上了綠色平台，魚魚第一次玩公園設施，享受了她的野餐... 之後去元氣吃了小小午餐，回家叉電...

晚餐約了爸爸去 moumou club，牛小排果然不錯，時間有點趕但也吃罷5碟，有員工8折... 好好用盡優惠，遲些便沒有了！

簡單平凡但幸福。

今日笑料一則....

婆：你係咪靚女呀？
魚：(點頭)
婆：你係咪乖孫呀？
魚：(點頭)
媽：你係咪豬嘜呀？
魚：(超大聲)爸爸!!
媽：爸爸係豬嘜？
魚：(點頭)

努力寫 blog，記下點滴。

Happy Birthday to my love

20150125

魚魚明天一歲了！

去年今日，去了荃新天地行街，換取遊戲禮物一大set 麥兜利是封，記得回程乘車時有點倦，還眼皮跳，原來魚魚快出來了！

今晚爺爺嫲嫲一家及姨媽姨丈來了聚餐，齊齊為小主角慶祝一歲生日，婆婆煮了愛心盆菜，媽媽造了飯卷，爸爸訂了海鮮，很豐富晚餐!!

還有靚靚蛋糕，魚仔開心，我們更開心!! 大家都好愛錫小魚，希望小魚快高長大，身體健康!!

papa and mama love you forever

電電

魚魚好可愛，唔知幾時開始學識「電電」，叫佢電電就會眨眼電人，有時唔叫都會做，佢知道咁樣會令人開心

my sweet girl

打頭頭

近日魚成日雙手打自己個頭，拍拍聲咁，好驚佢整親，定係想話我地知佢唔舒服？

問左啲媽媽，原來都有類似情況，都唔知點解呢？

嗲爸爸

魚今晚拎個檸檬玩，扑親自己，呆左，望爸爸，然後遲幾秒開始扁咀，望實爸爸喊，同平時喊係唔同的，好得意，嗲到暈

魚魚識分顏色？

今晚拿了幾個波，對著魚魚說 Yellow, Pink, Green，重覆幾次再問 which one is yellow 佢揀中了！連續試幾次，交換了波的位置也揀中，哈哈，不理了，當你識，雖然轉頭再玩不理我。

再次辭職

今日返去簽文件，見到老闆，匆匆入去交代一下，豈料忍不住淚水...

不捨得，但必須要走。

有更需要我的崗位在等我。

老闆沒多問，說明白，或許他一早料到，他也透露了有問過朋友有沒有介紹，不知是說上次或近日，也不緊要了。

通知了自己 team 後，感覺放鬆了很多。

我相信，我們一定會捱過。

happy new year

晚餐去麥當當食 all day breskfast

毛毛帽 $20
毛毛鞋 $30
好抵 from H&M

紅色衫仔 $59.9 from Aeon

影相

今日帶魚魚去studio影相，好合作，希望影得靚啦