轉工~ 已經再轉工~

真係好鬼懶~~ 好多時都有 d 野想打出黎，諗諗下又無左個行動...

返左新工 2 個星期喇，好多挑戰，辛苦但有野學 & 發揮，好開心~~ 同事又好好，呢樣野真係好緊要，所以覺得同 JG 好大分別! 總算係搵到想要既野~~

2 個月前，好多人奇怪我點解離開 DFS，無錯的確係大公司制度健全福利好，唔計我日日同入境處聯絡下攪 visa D 麻煩野，其實無乜野駛你諗，stable 得幾乎日日都可以 sharp 走，如果我嫁左生埋 BB 既呢份工都真係唔錯，無奈我都真係辛苦命一條，嘻~ 雖然就快結婚都想趁有機會出去打滾下~ 哈! 當我做左 3 年幾野之後，真係發現稻香果 2 年嘔血得黎係最開心最滿足!!

突然想提返轉工既原因係因為上星期同左 ming 姐 & man 為 jenny & winnie farewell，人少少好好傾，知道 man 終於決定放棄 flexible 既 insur agent 生活，重投 HR 界，去左 Paul 而家大展腳既翠華，同樣好多人既反應都係話唔係好值，大家都知 catering 呢行出名無 benefits，以 man 既 quali 要搵返 HR 工一定有好多選擇...

果晚佢問我一句：「你明唔明點解我咁揀？」「我明呀」就係囉~ 邊個叫我地以前就係拍住上打出個 ER 咩? ming 姐都話我地 2 個偏愛複雜、要捱、自己諗野呢 d 辛苦工作...

希望我地付出既都有回報，at least 係一份滿足感~

油畫

今日去拎埋 JULIA 張油畫，太好喇~ 其實個框都有美中不足既地方，不過咁樣整來整去都唔係辦法，錯有錯著，原來呢個框又幾靚架喎!!

拎完之後仲走去 Eden Hall 18 度裝下，地方唔係大，Hall 11 會唔會細得好犀利呢? 最緊要 d 服務好就得喇~~

拜託拜託...

週末渡假

好開心、好 relax 咁o係長洲過左一個 weekend~ 係我地周年慶祝既大日子...

第一次去華威酒店，無得飲熱水，沖涼都係得一陣熱水! 沖沖下凍鬼死我，原來要儲水... 沖完吹頭都係免問，唔明又會咁老土既?! 不過向海露台好正，所以都算抵返啦!

唔經唔覺，原來時間真係過得好快，初初講結婚仲覺得係好耐之後既事，數數下仲有幾個月就到，好期待新生活既開始...

Friday night

約左 sally & agnes 食飯，拎返幫雲姨買D COS，真係耐到唔好意思提... 哈!

去左諾士佛台，間野(已經唔記得個名)D野食麻麻，勝在個 feel 唔錯，幾個月無見，一坐底仍然好多話題，好 relax 既一個 friday night~~

返左上去 DFS office，感覺都仲幾親切，但明顯同返稻香好唔同... 真係情意結。

By Maggie

new website

申請左個靚靚 wedding website，擺左好多相，得閒歡迎參觀啊~
http://pm1202.weddingannouncer.com/

小禮物

今日行過葵涌廣場又去左睇小禮物，順口問下訂得多有冇折，點知咁爽快話比個 9 折我地，嘻~ 平幾佰蚊呀....

雖然貴 d，但真係好鬼鍾意，唔... 諗多一個星期啦!

都市日報

哈哈~

今日我地張結婚相見報，連 esd 好多姊妹都睇到，啟然同事仲一早放左份報紙o係佢檯面 tim... 嘻嘻!

Happy New Year

未有好好做返次「2006 年大事回顧」，07 年就黎到喇~

2006 年真係過得好快，因為絕大部份既日子都好開心，仲做左好多個重要決定，相信黎緊一年將會更開心，嘻!!

尋晚去左啟然婆婆既壽宴，呢邊既親戚全部都係第一次見，本來都有少少緊張既，不過去到就唔記得晒囉~~ 佢 d 親戚都好 nice，講野又好笑，好開心一齊過左個除夕夜! 之後我地無出街倒數，反而快快返左屋企，同媽咪一齊食美味糖水過年!

祝大家心想事成、身體健康!!

試衫

啟然岩岩考完試，我地開始出動囉~~

呢排真係睇左好多間租衫既資料，今日係第一次去試衫呢! 其實都係無意中睇到 jewel sui 既 website，就比佢地 d 釘左 swarovski 水晶既婚紗吸引，哈哈~ 好靚啊...

個 sales Crystal 真係好 nice，我件件話靚佢都比我試，任我地影相之餘仲幫我地 2 個影合照，好似真係去左影婚紗相咁~

試完即刻決定 join package 喇~ 又完成一個 task!

Mcmug Sleeping Party

今日去左灣仔 Mcmug Sleeping Party，買左好多 mcmug 產品呀!

好多都係留返新屋用既，床單枕袋、浴簾、廢紙筒、碗碗碟碟、cushion、大毛巾、暖水袋... 連揮春都買左 2 張... 唔係新屋用既當然仲有大把... 一次過掃成千蚊 mcmug，實在太開心!!