Your Last Day

我個好 partner Rachel 今日 last day 喇~ 合作左 2 個多月既時間，真係好開心! 其實好唔想你 last day 都咁辛苦，不過陪到 11:15pm 真係支持唔住，聽日我要返工...

不足既地方人人都有，到底佢都係一個我好欣賞既女仔... 正如阿 head 話，佢係咪鐵打架?!

從前被教既，今日留左比佢 -- Work Life Balance... 工作永遠都唔會完架喇! 希望你下一份工同樣做得開心但唔駛咁辛苦~ 我會同奧斯卡會繼續努力!

By Maggie

Happy Mother's Day

同啟然去買左好多靚海鮮，為媽媽泡製左超級美味 (呵~) 海鮮餐，母親節當然快樂啦!

2nd trial

下晝去左試衫，其實本來打算 3 月去，遲遲下都已經好似無左件事，如果唔係 Crystal 主動打電話比我，都唔知幾時先會上去...

今日狀態不佳，主要都係帶埋媽媽們上去睇左我揀既衫，過左佢地果關先，嘻~

返左 d 新衫，好靚呀~ 哈... 轉晒喇~~ 只剩上次一見鍾情既 "公仔衫"~~

下次要約 Cilla 上去揀喇~~

By Maggie

澳門半日 trip

今日同阿頭 & OM 去左澳門做野，一早已 plan 定要去好多地方，但係我又要趕返黎返學，於是就好鬼忙咁，來去匆匆...

都好既，我都唔係好想留咁耐...

我既第一次：自己一個人o係第二度返香港，雖然好近，但感覺怪怪咁，由搭的士到等船搭船... 都無人可以傾下計，好似好孤單咁，係咪因為我平日太依賴呢?

成程船合埋眼，但完全訓唔到，因為今日收到 Rachel resign 既消息，唔開心... 一入黎最開心係識到呢個同事，佢真係幫左我好多，所以好唔捨得... 但如果我無估錯既話，我其實都明白佢既情況，比我都可能會有咁既打算... 就係咁囉~ 心情好複雜咁~~

今晚返第 8 堂喇，即時拎個 topic 做個 presentation，都幾好玩呀~ 阿 sir 問左個問題：點解 mickey mouse 得 4 隻手指而唔係 5 隻? 佢話答案係 CS 講架喎~ 都幾攪野，有興趣可以諗下，想知答案 call 我啦~ 哈哈!

竟然有得睇...

上網識左幾個雍雅軒業主，都可以叫做未來鄰居 (嘻~)，有人識人o係入面做裝修，影左 d 相比我地睇 (仲要咁岩係我地個款單位)，突然感覺真實左好多，唔係再睇緊個 floor plan...

第一個反應：好細呀~~

哈哈... 係囉~ 就係咁... 得個窗台大，呢 d 係咪縮水樓?!

跟住又無無聊聊拎返樓書個 floor plan 出黎度，都唔知係咪唔岩 scale，度極都比個實用面積細成百呎... 咁詭秘...

仲要等最少 5 個月，希望人地得閒影 d 相出黎比我睇下就好喇~ 嘻!

延期收樓... 唉~

收到律師既信，建築期會延至 9月30日...

之前出樓書話 8月31日完成已經係計劃 7月1日起好再申請文件手續，而家 9 月尾先起好，真係勁擔心佢 11月都交唔到樓比我地，分分鐘結婚都無得入伙...

唔知點算，都無得點算...

Alternative Saturday

咁多年來，第一次返 alt Sat，公司靜到好似無人咁，大家又無乜 mood 做野，睇下報紙傾下計，有 D 同事就打 PSP、玩 msn，哈哈~ 都幾得意...

By Maggie

轉工~ 已經再轉工~

真係好鬼懶~~ 好多時都有 d 野想打出黎，諗諗下又無左個行動...

返左新工 2 個星期喇，好多挑戰，辛苦但有野學 & 發揮，好開心~~ 同事又好好，呢樣野真係好緊要，所以覺得同 JG 好大分別! 總算係搵到想要既野~~

2 個月前，好多人奇怪我點解離開 DFS，無錯的確係大公司制度健全福利好，唔計我日日同入境處聯絡下攪 visa D 麻煩野，其實無乜野駛你諗，stable 得幾乎日日都可以 sharp 走，如果我嫁左生埋 BB 既呢份工都真係唔錯，無奈我都真係辛苦命一條，嘻~ 雖然就快結婚都想趁有機會出去打滾下~ 哈! 當我做左 3 年幾野之後，真係發現稻香果 2 年嘔血得黎係最開心最滿足!!

突然想提返轉工既原因係因為上星期同左 ming 姐 & man 為 jenny & winnie farewell，人少少好好傾，知道 man 終於決定放棄 flexible 既 insur agent 生活，重投 HR 界，去左 Paul 而家大展腳既翠華，同樣好多人既反應都係話唔係好值，大家都知 catering 呢行出名無 benefits，以 man 既 quali 要搵返 HR 工一定有好多選擇...

果晚佢問我一句：「你明唔明點解我咁揀？」「我明呀」就係囉~ 邊個叫我地以前就係拍住上打出個 ER 咩? ming 姐都話我地 2 個偏愛複雜、要捱、自己諗野呢 d 辛苦工作...

希望我地付出既都有回報，at least 係一份滿足感~

油畫

今日去拎埋 JULIA 張油畫，太好喇~ 其實個框都有美中不足既地方，不過咁樣整來整去都唔係辦法，錯有錯著，原來呢個框又幾靚架喎!!

拎完之後仲走去 Eden Hall 18 度裝下，地方唔係大，Hall 11 會唔會細得好犀利呢? 最緊要 d 服務好就得喇~~

拜託拜託...

週末渡假

好開心、好 relax 咁o係長洲過左一個 weekend~ 係我地周年慶祝既大日子...

第一次去華威酒店，無得飲熱水，沖涼都係得一陣熱水! 沖沖下凍鬼死我，原來要儲水... 沖完吹頭都係免問，唔明又會咁老土既?! 不過向海露台好正，所以都算抵返啦!

唔經唔覺，原來時間真係過得好快，初初講結婚仲覺得係好耐之後既事，數數下仲有幾個月就到，好期待新生活既開始...