家家親台北之旅 - DAY 1

** DAY 1 ： 22/3/2009 (SUN) ***

行程：
香港機場 -> 台北機場 -> 忠烈祠 -> 台式料理 -> 美麗華百樂園 -> 酒店 -> 士林夜市

-----------------------------------------



一朝早 05:00 就起身出發囉~~ 有得去玩真開心!

05:45 準時落到樓下搭的士，之前問過的士台報價 $180，又話其實同跳錶短加長減出黎個數係差不多，唔緊要啦由得佢跳錶，結果係 $17X，老公都係俾足 $180~ 哈!

06:15 去到機場集合，兩親家見面囉~ 組合晒我地呢個 5 人小組，其實我地已經佔左成個團四分一，全團 19 個貴客咁大把~ 大約一半係後生仔世界，一半係家庭組合，呢次係我第一次跟新華，領隊 Dicky 圓碌碌，幾好人，希望成個旅程開開心心!

係咪 CX 早機都一定係食 Cest' Bon 腿蛋包?


落機過關後就去行李帶隔離唱錢，是日 rate 麻麻得 4.206，不過其實比預期 4.3 都唔算差得多


4 日行程完全係隨導遊個人喜好而定既，講真過左呢 4 日，就係因為佢而令我對新華超失望!! 態度差、對客無禮貌、時間編排唔好，景點休息佢唔知，照帶晒成團人去到門口先一齊發現! 唉~~ 以下既行程我唔會再提佢架喇!!

第一站去忠烈祠，睇唔到成個換班儀式，睇左少少埋尾就走去影相

團餐 (1) - 台灣料理

食完 lunch 就去美麗華百樂園，對於一般同香港非常相似既商場店舖，真係無興趣~~

食左個杏仁朱古力冬甩~ 好好味呀! (DAY 3 在另一分店再買左一次黎食~)

好快就行去隔離行家樂福，見到門口有幾部夾公仔機，老公又話一定要試下夾!!

話說 06年台北之旅佢都有夾，個公仔夾起左之後跌返落去，心心不忿....

結果 09年再黎對戰，仍然打破不了宿命.... 喔~

今日既行程好少，16:00左右已到達溫泉酒店，不過事實上大家都真係好累...

龍邦僑園溫泉會館 -- 所謂溫泉酒店，就係有溫泉水提供既酒店，哈~

呢個就係比我屋企個浴缸高少少既溫泉池喇....

有 2 個出水位，d 溫泉水只係有好淡既硫磺味!!

間房都幾大，幾舒服!! 5 個人無條件有 3 間房用，幾好~

我地將 2 張床拍埋，勁闊... 碌黎碌去都夠~

大家各自休息一陣之後，我地 18:30 又出發... 去士林夜市

一次過買左幾間既小食一齊 share~~

一致認為蚵仔煎最難食!! (其實我同老公 06年已經判左佢死刑，但今次帶佢地黎台北，點都要比佢地一試!!)

呢檔水煎包好好食，外脆內軟，我食左高麗菜包，裡面有菜、粉絲、冬菇絲....

食完野周圍行，見到好多狗仔店，好得意呀~

呢 2 隻好似肥 b 呢!!