老爺鍾意周圍「試食」，是晚請晒我地去陶源食鮑魚，嘻~~
金湯蟹肉翅：熱辣辣，好多蟹肉好多翅，真材實料，好好味!!
冰燒三層肉(另點)：好肥好肥好肥...................
蠔皇鮑魚伴玉掌：鮑魚都幾大隻，好味又彈牙!! 正正正!!!
蝦子釀遼參：同鮑魚一齊上，個碟堆到滿晒，我無食所以 no comment
清蒸龍躉腩：本來係照燒汁煎龍躉扒架，不過佢話今晚條魚唔係好大，起唔到咁多扒... d 魚肉好香滑，不過美中不足係落得太多油，同埋 d 芋絲完全無味~
碧綠珊瑚蝴蝶蠔(另點)：珊瑚蚌好新鮮，蠔豉就太鹹，最欣賞係伴碟果 2 隻雀仔!
濃湯粒粒泡翡翠：突然唔記得呢個叫咩菜... 清清地幾好食
秘製岐江王子鴿：每人一隻 BB size，即炸好香口，但無乜肉
桂花糕：清香唔太甜，無酸味 (好多時食桂花糕都係有陣酸味!)
楊枝甘露(另點)：好假好假既芒果味，難食!
生果拼盤：西瓜 & 哈蜜瓜都好清甜，仲好夠凍!
蜜糖蜂巢糕(另點)：呢個真係等左好耐，係食晒其他所有野之後計半個鐘左右，味道 & 質感都似白糖糕，麻麻地~~
生磨蛋白杏仁茶(另點)：佢既賣點係即磨，但等既時間都唔算耐~ 食落好「粉」，鞋鞋地，幾香杏仁味，同檯大部份人都投票話唔好食，我覺得都可以接受喎~
呢餐好豐富~ 埋單承惠 $2108，多謝老爺!!
沒有留言:
發佈留言