QE 產檢 - 25w2d(見助產士)

第一次見助產士，預左無得照，
叫爸爸豬唔好請假 lu~

今次去到先留小便，一驗就衰左!!
尿糖 -ve、尿蛋白 +ve!!
姑娘要求即刻再驗，oh no...
唯有買枝水狂飲... =__=
第2次都係話有少少，跟住叫我等見助產士。

可能前面程序攪得太耐，
一坐低想攞件三文治出黎食就叫我，
見助產士即刻問佢 +ve 點算，
佢話尿蛋白 +ve 如果血壓高就可能妊娠高血壓，
但睇我血壓完全無問題喎，
佢估可能係驗既時候有d分泌混入左，
又或者尿道炎... 結果又叫我出返去之後驗多次...

出面檢驗個姑娘明顯不耐煩，
話又驗~~ 關我咩事呢?!
結果今次再驗係 -ve!!

返轉頭同助產士講，佢好似仲開心過我，
哈哈哈!!

佢話之後都係佢跟我既 case，好野~