Kinetics 打6合1、食輪狀

今日去 kinetics 打6合1同食輪狀，
一入診所魚魚扁咀，好攪笑呀！
好似知道會痛痛唔開心咁！

入到房姑娘想叫醒佢，
我地3個人一齊叫魚都唔願起身，
姑娘用針筒唧輪狀入口，
無吐出黎，好順利！

之後到打針，放左魚上床，
爸爸撳住小腿，媽咪撳住個頭，
姑娘好快手拮針落大脾，
魚魚哇哇兩聲竟然瞓返，乖豬！

一路抱住行街都無醒無喊，
返到屋企仲食4安奶添，
不過打針始終會唔舒服，
魚魚瞓得唔好，成日扎醒，
要人抱住，扭計多左，
好在無發燒，錫返錫返！