渣打 $150 紀念鈔

辛苦老公排左個幾鐘，今晚終於幫媽媽換左張渣打 $150 四連張返黎~

雖然封信已指明日期分散人流，但局晒o係會展攞，情況仍然混亂!!

打開黎睇好靚呀，價值 $600 要賣 $1888 真係包裝得好精美!!

4 張銀紙全部都係 888 字尾，只係得 1 個數字唔同，我以為係好意頭全部都要 888 字尾，後來上網睇人講先知原來唔係架!

原來一 set 4 張一定係相同尾數，但咩組合都有，見人講 388 好罕有可以賣貴好多，咁 888 咪仲好~ 哈哈哈!! 雖然媽媽買返黎唔係為左炒，不過攞到靚 number 真係好好彩!!