為食 mocha b

個咀唔捨得離開支益力多冰冰~~

檸檬茶 BB

7-11 近期換 BB，全部都好得意呀~

屋企已有奶茶 BB 同埋魚蛋 BB，見到報紙知道出左新款，好想要檸檬茶 BB，好好彩一換就中喇!!

好可愛既造型!!

畢業輝輝

尋晚同老公去葵芳食米線，跟住齊齊去買禮物~

佢買添丁禮物，我買畢業禮物...

Karen 鍾意輝輝，由於輝輝畢業公仔只得一款，尋日食 lunch 一於先探聽口風，今晚就去McQuarter 帶佢走喇~

Display 果隻係紫色帶，不過呢隻彩藍色都幾靚丫!

送禮物比人，最開心見到收禮者滿心歡喜既反應~ =)

三嫂甜品秘方 - 大粒西米紅豆沙

三嫂甜品秘方 - 大粒西米紅豆沙（四人份量）

•紅豆　份量：半斤　價錢： 5元

•植脂淡奶　份量：半罐（ 405克裝）　價錢： 4.5元

•冰糖　份量：半斤　價錢： 3元

•西米　份量： 4両　價錢： 2.5元

煮西米最重技巧，有人錯將西米浸水再煮，會令西米「散晒」，應猛火煲 15分鐘後過冷河，「成個程序做足三次，啲西米先會透心，從內而外熟晒先好食。」之後用 12碗水連紅豆、西米及冰糖煲半小時，再加入花奶即成。

三嫂甜品秘方 - 馬豆糕

三嫂甜品秘方 - 馬豆糕（四底份量）

•新鮮椰汁　份量： 1斤半　價錢： 36元
•植脂淡奶　份量： 2罐（ 405克裝）　價錢： 18元
•新鮮馬豆　份量： 12両　價錢： 7.5元
•牛油　份量： 2片　價錢： 3元
•粟粉　份量： 6両　價錢： 3元
•沙糖　份量： 1磅　價錢： 3元

先將馬豆洗淨，放入水煲注滿水過頂約兩吋，猛火煲約 15分鐘後，過冷河再注水猛火煲 15分鐘，調慢火煲一小時，其間要用湯勺慢慢攪拌，以防煲燶，「啲豆唔好煲過腍，要有啲韌度先好食，唔夠經驗可放入口咬吓。」煲完馬豆後，第二步要煮糕；三嫂將兩罐花奶倒入空煲內，再注兩罐水、椰汁、牛油，猛火煲 10分鐘；另將鷹粟粉開茨，「加兩罐水倒落粉度，用手鍊勻唔好一嚿嚿」。當椰汁煮至周邊起泡，倒茨煲 10分鐘，再放入煮熟的馬豆煮 10分鐘。從煮椰汁至放豆，三嫂一直用湯勺在煲內順時針慢慢攪動，「呢個步驟好重要，啲馬豆糕先會均勻，亂攪會出水，啲糕唔好食。」製成的馬豆糕一次過倒在膠盒，「啲糕先會均勻，否則一匙匙倒，凝固時間唔同，會一岩一忽。」

euro go go

$350 入會，有返張 $350 cash value 既儲值卡，仲有一疊 coupon，唔計買一送一，有 2 張係免費既意粉 & 薯蓉，幾抵~

渣打 $150 紀念鈔

辛苦老公排左個幾鐘，今晚終於幫媽媽換左張渣打 $150 四連張返黎~

雖然封信已指明日期分散人流，但局晒o係會展攞，情況仍然混亂!!

打開黎睇好靚呀，價值 $600 要賣 $1888 真係包裝得好精美!!

4 張銀紙全部都係 888 字尾，只係得 1 個數字唔同，我以為係好意頭全部都要 888 字尾，後來上網睇人講先知原來唔係架!

原來一 set 4 張一定係相同尾數，但咩組合都有，見人講 388 好罕有可以賣貴好多，咁 888 咪仲好~ 哈哈哈!! 雖然媽媽買返黎唔係為左炒，不過攞到靚 number 真係好好彩!!

國慶上班日

從前稻記年代，逢勞動節、回歸、國慶，例必返工，皆因全部係 1 號，走唔甩要做 payroll~ 今年國慶夾中秋再加 weekend，結果又要為 payroll 而 OT...

一早起身喉嚨好痛、頭又痛，可能係因為尋晚落雨冷親喇，假期無得搭亡命 van，唯有落葵芳轉 MTR，一路上好少人，好彩有得坐，比我再抖下，轉眼 1 個鐘已經去到北角~

返到 office 飲杯咖啡，打醒萬二分精神，快快快快攪掂 d 野，一心想快快快碌返屋企瞓覺... 半日已經用左大半盒紙巾，鼻水係咁流流流...

生日澳門遊 (Day 2 - 24/8/2009)

09:00 都唔捨得起身，明明係星期一，但可以放假喎~ 哈!! 真好~

去左酒店附近既葉熾記，唔係貪近架，我地專登去搵佢既，因為聽聞豬扒包好好食啊~ 豬扒包又黎喇... 去澳門嘛... (食評：http://www.openrice.com/restaurant/commentdetail.htm?commentid=2028431)


除左豬扒包，必食既當然唔少得葡撻啦! 瑪嘉烈始終係名店，$7@ 唔算平一樣好多人排隊，又真係幾好食既!! 返到酒店食仲係脆皮呀~ 絕對唔似 KFC!!


去威尼斯人行左個圈，地方真係好大，周圍見到 DFS 既廣告，好親切啊~ 哈哈!!

我地入左賭場玩角子機，一路以為係要唱銀仔，原來只係入張 $20 就玩得! 超唔明係點解唔收葡幣?!! 一定要入港幣 $20!! 贏左 $60 就想走人，老公話玩多陣，結果就輸返晒... -___-"

check-out 後我地去左漁人碼頭，重點想去睇麥兜，行呀行，拎住超重既手信，行極都唔到真係想放棄，原來係行到盡頭先到!! 望到個門口更失望，超細既場，比 $35 入去一望已經望到出口，得幾隻大公仔，全部係菠蘿油王子果時 d 宣傳品!!!!!



18:00 搭船走 lu，上船前買左個豬扒包外賣比媽咪食，超細個要 $17!! 碼頭真係最晒搵笨既地方，不過無計啦~~

生日澳門遊 (Day 1 - 23/8/2009)

老公今年 30 歲生日，我決定請佢去澳門玩 2日啊~~

買左英皇娛樂酒店既 package，$1399 包1晚酒店、2人來回船飛、dinner buffet、博物館通行證、甜品劵、紅酒... 幾抵~

一早去到信德，上英皇貴賓會拎晒來回船飛，跟住去吉野家食早餐，食完行去碼頭，已有好多人排隊，好耐無去澳門，唔記得係要排隊劃位~ 我地都唔算遲，所以仍劃得窗口好位，good~

我地搭 Turbojet，架船好新好舒服，望住個海心情愉快~ 本來想趁時間瞓下，點知後面個細路由上船嘈到落船，激死人...

步出碼頭已經見到英皇既人，帶我地去搭 shuttle bus，路程好短，轉眼就到~ 新八佰伴搬左過黎英皇隔離，非常方便! 12:30pm 都無得 check-in，叫我地 2:00pm先返黎，於是就出發搵美食~~

第一站行返去議事亭一帶，星期日好熱鬧呢! 跟住旅遊書介紹，去左西環安記食豬扒包，真係幾好味，可以睇我既 openrice 食評：http://www.openrice.com/restaurant/commentdetail.htm?commentid=2027532

食完豬扒包再去食鳳城珠記魚皮角，間舖唔算好細，不過超迫，好大壓迫感，D 伙計係咁叫人入黎，即係話叫你好快 D 走!! 水餃 & 魚皮角各點一碗，餡料新鮮，水餃較好味!

食到飽行返酒店，今次有得 check-in 喇~ 間房好靚，都幾大~

下晝本想去威尼斯人，但我實在好頭痛，結果決定改於附近周圍行下，然後又去大三巴、博物館，買左好多好多手信!!

見到潘榮記想買減蛋餅，個阿姐好串，佢頭都唔擰過黎淨係開口話「賣晒!」，我明可能係有人訂晒，都唔駛咁既態度下話，巴閉!!


夜晚返英皇食 2nd round buffet，有 live band，感覺不錯! 唔算係好多選擇，但 d 野幾好食，最緊要係 free of charge~ =P (食評：http://www.openrice.com/restaurant/commentdetail.htm?commentid=2027533)

Birthday Dinner @松屋

好豐富啊~~ 鍾意食放題，乜野都可以食少少...

食少少已經好飽好飽...

雞軟骨 & 鹽燒雞翼最好味!!

多謝老公... 祝我生日快樂! =)

麥兜响噹噹

入場時老公一支箭衝入去，比人搣晒飛，比我發現咁得意既牌，賴死影埋張相先，個職員無理我係無飛入場... 哈~

預左有 D 悶位，結果覺得好正，今次個故事寫得流暢 D，仲好感人!

咁細個要去武當學武，唔捨得媽媽係咁喊，真係我都想喊~

呢個小朋友、呢個媽媽，睇落覺得佢地好可憐，但佢地自己又活得好開心喎~

每個麥兜故事都包含好多小道理，小朋友可能係哈哈哈就出返黎，大人睇完會有好多反思... 相信都係佢成功既其中一個原因~

Starbucks 加 $1 多 1杯

睇報紙發現渣打卡做緊幾個加 $1 既 promotion，仲要係 Starbucks、Hagadazs 呢 d 喎~

同 ah man 去健威食完元氣再飲 Starbucks，呢個 lunch 真係好開心...

會唔會燒壞腦...

39.2、38.4、40.1、39.8、38.7... 好耐未試過咁發燒，會唔會燒壞腦...

星期五放工去公司對面間診所睇醫生，佢都話我無發燒既，不過開左一隻「防發燒」藥比我。

夜晚食左 2 次藥係收左鼻水，但個人好唔舒服就早 D 去瞓，是晚唔開冷氣開風扇，老公熱到死，我無咩感覺...

星期六唔駛返工，8 點幾醒左好頭暈，起身探熱先知燒成咁，探左好多次都係 39 度以上，再食多次藥 & 自己加多一粒退燒藥，沖多次涼諗住降溫，10點幾再瞓返，呢次都係開風扇，越瞓越打冷震，卷實張被.... 4 點老公返到黎再探多次 39.5，一 D 好既跡象都無....

即刻落去再睇多一次醫生，帶埋北角醫生包藥比佢睇，招醫生問左好多野，以為佢會捉我去醫院...

返屋企又瞓，醒左食粥再食藥再瞓，今朝起身已經無發燒，但喉嚨又痛返，比早2日仲痛...

萬家燒餅皇

萬家既胡椒餅... 聞落無乜胡椒味，食落就覺得辣，不過都唔夠胡椒香...

與台灣相比，實在差得太遠喇~~

小煮意... 章魚小丸子

好好玩... 好好玩......
真係用 2 枝竹籤督督下就整到!!

似模似樣... 色香味俱全!! 娛樂性甚高~~ 嘻!!

可以借比大家玩下... 如有興趣就搵我啦!

下水禮

今晚早返屋企，7 點半落 club house 游水，查實住左咁耐，第一次落去游咋...

d 水好凍，游左 1 個鐘就返上去食飯，今晚特別肚餓~~

烈火雄心太好睇喇~ 一定要日日追! keke!!

為食天下... 花月庭

非常滿足既 Dinner Buffet~

帝京花月庭做緊 promotion，2-hr buffet 只收 $238 (唔駛加一)，真係好抵~ 所以好多人! 呢個星期一既晚上，18:30 竟然爆滿!!

食物總類同平時一樣咁多，仲添得好快，搶手貨上湯焗龍蝦都源源不絕地供應，好大方~

好似優惠至 31/7 咋，有興趣快 d 去食啦....

殺人犯

今日同老公 & 媽媽去葵芳 Broadway 睇殺人犯，無 Transformers 咁爆滿，但都好多人~

一開場真係嚇親，跌落樓已經成身血，仲要想起返身再發現斷左隻腳... 好核突... 查實套戲都有幾個位好血腥下...

個「真相」真係估佢唔到，一揭盅係全場都笑，太攪笑喇~

Aaron 演得好出色!! 諗起張國榮拍異度空間，咁入場真係會唔會走火入魔架?

相信佢會有續集，期待中!!!

Happy Birthday to Mom

媽媽生日，我地齊齊去唱 K!

最開心係.... moc moc b 都有去玩呀~
只係 K 房內出沒，不過 staff 入黎見到都無理，呵呵~ ^o^

k buffet 認真麻麻，個壽司師傅動作慢到呢... 頂佢唔順!
其實食唔飽，不過唱餐飽!!

太耐無唱過 k，乜歌都唔識咁，真老土... =P
想唱囍帖街，但竟然無喎...

10 點幾播出 birthday song，staff 送來蛋糕 & 香檳，
氣氛真好~~

蛋糕全個都係 cream，算吧~~
轉頭再送上熱辣辣壽包，呢個都唔錯!

5 個人埋單 $510，生日免費~~

今晚好開心!! Happy Birthday!!

鮑魚魚翅餐 - 陶源酒家

補記：30/6/2009 陶源鮑魚魚翅餐

老爺鍾意周圍「試食」，是晚請晒我地去陶源食鮑魚，嘻~~

金湯蟹肉翅：熱辣辣，好多蟹肉好多翅，真材實料，好好味!!

冰燒三層肉(另點)：好肥好肥好肥...................

蠔皇鮑魚伴玉掌：鮑魚都幾大隻，好味又彈牙!! 正正正!!!

蝦子釀遼參：同鮑魚一齊上，個碟堆到滿晒，我無食所以 no comment

清蒸龍躉腩：本來係照燒汁煎龍躉扒架，不過佢話今晚條魚唔係好大，起唔到咁多扒... d 魚肉好香滑，不過美中不足係落得太多油，同埋 d 芋絲完全無味~

碧綠珊瑚蝴蝶蠔(另點)：珊瑚蚌好新鮮，蠔豉就太鹹，最欣賞係伴碟果 2 隻雀仔!

濃湯粒粒泡翡翠：突然唔記得呢個叫咩菜... 清清地幾好食

秘製岐江王子鴿：每人一隻 BB size，即炸好香口，但無乜肉

桂花糕：清香唔太甜，無酸味 (好多時食桂花糕都係有陣酸味!)

楊枝甘露(另點)：好假好假既芒果味，難食!

生果拼盤：西瓜 & 哈蜜瓜都好清甜，仲好夠凍!

蜜糖蜂巢糕(另點)：呢個真係等左好耐，係食晒其他所有野之後計半個鐘左右，味道 & 質感都似白糖糕，麻麻地~~

生磨蛋白杏仁茶(另點)：佢既賣點係即磨，但等既時間都唔算耐~ 食落好「粉」，鞋鞋地，幾香杏仁味，同檯大部份人都投票話唔好食，我覺得都可以接受喎~

呢餐好豐富~ 埋單承惠 $2108，多謝老爺!!

蜜糖雞翼 - euro go go

雖然天氣麻麻，但星期日心情始終都特別輕鬆，享受一個 late lunch，仲可以享受埋 tea time 既優惠呢~ 呵呵!!