萬家燒餅皇

萬家既胡椒餅... 聞落無乜胡椒味，食落就覺得辣，不過都唔夠胡椒香...

與台灣相比，實在差得太遠喇~~

小煮意... 章魚小丸子

好好玩... 好好玩......
真係用 2 枝竹籤督督下就整到!!

似模似樣... 色香味俱全!! 娛樂性甚高~~ 嘻!!

可以借比大家玩下... 如有興趣就搵我啦!

下水禮

今晚早返屋企，7 點半落 club house 游水，查實住左咁耐，第一次落去游咋...

d 水好凍，游左 1 個鐘就返上去食飯，今晚特別肚餓~~

烈火雄心太好睇喇~ 一定要日日追! keke!!

為食天下... 花月庭

非常滿足既 Dinner Buffet~

帝京花月庭做緊 promotion，2-hr buffet 只收 $238 (唔駛加一)，真係好抵~ 所以好多人! 呢個星期一既晚上，18:30 竟然爆滿!!

食物總類同平時一樣咁多，仲添得好快，搶手貨上湯焗龍蝦都源源不絕地供應，好大方~

好似優惠至 31/7 咋，有興趣快 d 去食啦....

殺人犯

今日同老公 & 媽媽去葵芳 Broadway 睇殺人犯，無 Transformers 咁爆滿，但都好多人~

一開場真係嚇親，跌落樓已經成身血，仲要想起返身再發現斷左隻腳... 好核突... 查實套戲都有幾個位好血腥下...

個「真相」真係估佢唔到，一揭盅係全場都笑，太攪笑喇~

Aaron 演得好出色!! 諗起張國榮拍異度空間，咁入場真係會唔會走火入魔架?

相信佢會有續集，期待中!!!

Happy Birthday to Mom

媽媽生日，我地齊齊去唱 K!

最開心係.... moc moc b 都有去玩呀~
只係 K 房內出沒，不過 staff 入黎見到都無理，呵呵~ ^o^

k buffet 認真麻麻，個壽司師傅動作慢到呢... 頂佢唔順!
其實食唔飽，不過唱餐飽!!

太耐無唱過 k，乜歌都唔識咁，真老土... =P
想唱囍帖街，但竟然無喎...

10 點幾播出 birthday song，staff 送來蛋糕 & 香檳，
氣氛真好~~

蛋糕全個都係 cream，算吧~~
轉頭再送上熱辣辣壽包，呢個都唔錯!

5 個人埋單 $510，生日免費~~

今晚好開心!! Happy Birthday!!

鮑魚魚翅餐 - 陶源酒家

補記：30/6/2009 陶源鮑魚魚翅餐

老爺鍾意周圍「試食」，是晚請晒我地去陶源食鮑魚，嘻~~

金湯蟹肉翅：熱辣辣，好多蟹肉好多翅，真材實料，好好味!!

冰燒三層肉(另點)：好肥好肥好肥...................

蠔皇鮑魚伴玉掌：鮑魚都幾大隻，好味又彈牙!! 正正正!!!

蝦子釀遼參：同鮑魚一齊上，個碟堆到滿晒，我無食所以 no comment

清蒸龍躉腩：本來係照燒汁煎龍躉扒架，不過佢話今晚條魚唔係好大，起唔到咁多扒... d 魚肉好香滑，不過美中不足係落得太多油，同埋 d 芋絲完全無味~

碧綠珊瑚蝴蝶蠔(另點)：珊瑚蚌好新鮮，蠔豉就太鹹，最欣賞係伴碟果 2 隻雀仔!

濃湯粒粒泡翡翠：突然唔記得呢個叫咩菜... 清清地幾好食

秘製岐江王子鴿：每人一隻 BB size，即炸好香口，但無乜肉

桂花糕：清香唔太甜，無酸味 (好多時食桂花糕都係有陣酸味!)

楊枝甘露(另點)：好假好假既芒果味，難食!

生果拼盤：西瓜 & 哈蜜瓜都好清甜，仲好夠凍!

蜜糖蜂巢糕(另點)：呢個真係等左好耐，係食晒其他所有野之後計半個鐘左右，味道 & 質感都似白糖糕，麻麻地~~

生磨蛋白杏仁茶(另點)：佢既賣點係即磨，但等既時間都唔算耐~ 食落好「粉」，鞋鞋地，幾香杏仁味，同檯大部份人都投票話唔好食，我覺得都可以接受喎~

呢餐好豐富~ 埋單承惠 $2108，多謝老爺!!

蜜糖雞翼 - euro go go

雖然天氣麻麻，但星期日心情始終都特別輕鬆，享受一個 late lunch，仲可以享受埋 tea time 既優惠呢~ 呵呵!!

Birthday Gift for Pat

今日去荃灣行街，見到 Gigasports 大減價，於是老公就提早揀佢既生日禮物，全部都係佢最鍾意既 Nike... 有靚袋靚衫靚鞋 (仲有一條送既 Champion 大毛巾)... 收穫好豐富!!

原來佢今日著住果件都係 Nike... -___-"

「幸福星球指數」香港排名 84

港人幸福僅排全球84位

根據「幸福星球指數」報告，香港在全球143個國家地區中排名第84，遠低於中國內地的20位。

報告由英國非政府組織「新經濟基金」公布，根據預期壽命、民眾的生活滿意度、氣候環境變化等作為衡量標準，計算各地的「幸福星球指數」。

報告指出，香港人的預期壽命達81.9歲，是全球第二長，僅次於日本的82.3歲。香港人對生活滿意的程度，也有7.2分（10分為滿分），屬於上游水平。

但是，香港的環境負累指數高達5.7分，將整體的「幸福星球指數」大大拖低至41.6分。

相比下，中國內地的「幸福星球指數」就有72.5分。內地人的預期壽命為72.5歲，民眾對生活滿意程度為6.2分，環境負累指數只有1.1分。

--------------------------------------------------------------

香港人真係咁唔幸福?

好有興趣知道「環境負累指數」包括左 d 咩~ =)

大腸麵線 - 八方雲集

上星期行過八方雲集，見到門口多左個檔口仔賣大腸麵線。聽過朋友話幾好食，今日等埋老公放工出街食lunch，終於試到喇~


$16 (大)，另有細碗 $12
可以揀要唔要蠔仔、要唔要加辣

d 麵線好幼，個湯好杰~
老公話幾好食，個麵比台灣阿宗幼好多，各有各好... =)

My Lenovo S10-2

靚嗎? --------- 靚!!

老公報 course 送既禮物... 不過個 course 貴左一截，所以應該話係半賣半送吧~~

岩晒鍾意白色機身既我... 嘻!! (奸計得逞~~)

係得 1kg 重咋~ 要拎返工都好方便!! yeah~~

鋼琴上的豬

嘻~~ 又有新成員加入...

上個禮拜 moc moc 黎玩，偷偷地咀左佢一啖呀!! 證明真係正野! =P