102 撞法拉利

今晚搭架 102 撞左人地部法拉利...

上左車一路都睇緊 6月個 work schedule，睇睇下開始眼瞓，突然 chok 左一下，噢~

其實係部法拉利 cut 線轉出黎，個 pat pat 就同巴士既左下角擦左下，唔係好大踫撞，不過係法拉利嘛... 我坐得好近司機位，見個車主好快落車係咁打電話 (報警? call 律師? call 車行?)，好快有交通警黎到，見到阻晒成條街就叫佢駛埋一邊先，個車主扮聽唔到咁，望兩望又拎部電話出黎影低 d 證據... 巴士上既 "平民" 梗係嘈嘈閉啦~ 好多人衝去車頭湊熱鬧、又影埋一份...

轉折一輪兩架車都駛前去到巴士站，一大堆人落車轉車，都等左 10 分鐘，好彩無落雨咋!!!

最終攪到 8:45pm 先返到屋企，黑仔~~

企業診斷 ~ 到我見醫生

早幾個星期收到 email 通知，今日我要見 Paul~

知佢做「企業診斷」，但佢見我 exactly 為咩真係唔知，man 又話唔駛準備... 不過今日 lunch 見到比我早一個籌既 ming 梗係要八下，剩餘可以思考既時間都只有 10 分鐘~ 嘻! 其實唔係諗定咩答案，只係想整理一下自己既思緒姐 =P

估唔到一開始竟然係問... 你今年幾多歲? 邊度鄉下?

滴汗.... -___-"


原本要簡單回顧一下平日既工作，真係唔易~

佢問我最多時間做既 5 項工作係乜，一下子只係諗到日日都好忙，但無辦法總結到個「分類」出黎，只知最多時間應該係「諗野」，諗點整(很多新 ideas)、諗點處理(日日新鮮出奇大小事情)、諗點解(歷史遺下的)、諗點改(changes & changes)...

從我提及既工作，佢已幫我總結左幾個「工作困難」出黎~ 亦令我再一次明白，困難唔駛多花款，同一款不斷出現已經玩死人~





P: 你做過先進既公司，又做過半先進既公司，點解而家會選擇做比較原始既公司呢?

M: 我希望經歷到佢變成先進既過程...


雖然有點似 standard answer，但的確係我既想法，佢問一問我，亦叫我再提醒自己一直 keep 住呢種 passion，否則好快會頂唔住放棄!!

已經係 5月最後一個星期，充滿挑戰性既 6月好快來臨! 加油!

Surprise

今日在公司收到老公送來既一大箱 DHC...

Surprise!

挑戰

人事 & 工作都將於 6月起變化，

簡單數數已經有幾大方面，預計到好多變數，好多挑戰...



上司 m 問：你 OK 嗎?

戰友 w 問：你唔會走架呵? (其實我問佢先既!! 哈!)

上司 m 再送我一句：人生好玩的地方，在於佢有起有跌，有挑戰才會有進步



ya~ 任何一個人、一個團隊都會經歷改變架啦，只不過今次係 at least 四連環姐!

尊重每一個人既決定，我希望大家開開心心!

樂意同行既戰友們，亦一定唔會咁易放棄既!!!

保持「時運高」，努力支持落去!!

加油!!!

砌模型

本來打算今日去整下 D 頭髮，不過起身見唔舒服，都係唔想去，費事仲要去坐幾個鐘咁辛苦~

星期六 9 點幾起身真係好難得，同老公落街食早餐，見到郵局開門覺得好奇添!! (從來都係佢關門我地先出沒~~ 嘻!)

下晝無咩好做，去左荃灣行街，睇下 notebook~

老公岩岩考完試，為左獎勵佢，我決定陪佢砌模型!!! (其實我好想玩呢!!)
Jusco 所有 Gundam 模型有 9 折，Jusco 全店再 9 折，所以好抵啊!

一食完飯，急不及待開工喇~~~


我負責搵 d 配件 & cut 出黎，老公就一路睇電視一路砌~


揸槍既造型勁 d !



雖然好似唔係好襯，不過唔緊要~
因為終於有一件老公既玩具進駐飾物櫃!!

是日小煮意：cookies~~

今日老公拎個焗爐出黎比我玩~
好開心呀...

整左簡單 Cookies，心意最緊要嘛!! =P


好好味架~~~~ keke!!

感謝狀

收到救世軍寄黎既感謝狀，捐左幾年錢，第一次收到佢地既 cert 呢~

雖然張 cert 唔係代表左乜野好偉大既貢獻，但一份 recognition 真係可以鼓勵人繼續堅持呢個小小既使命!!

我唔會放棄你架 -- 柯裕桐小朋友 =)

豬流感 --> H1N1

星期三 HR 為公司制訂左豬流感應變機制，個病情真係變得超快，今日終於出現香港確診個案，呢個人黎香港到入醫院已經接觸左好多機組人員、乘客、酒店職員、酒店住客、的士司機..... 希望全部人都無事~~

~ 25 歲，墨西哥男子

~ 30/4 乘搭東方航空 MU505 航班到港，座位為23A，來港時沒有發燒

~ 30/4 入住灣仔維景酒店，住 1103 號房

~ 30/4 晚上發燒及喉嚨痛，乘的士到律敦治醫求診

~ 1/5 已被送往瑪嘉烈醫院隔離

港大微生物學系教授袁國勇表示，如能有效追蹤所有涉及病人，北美流感在本港社區爆發機會很微。

媽媽已經準備好晒 Alcohol Pad & 口罩，我地都未開始用口罩， 六姨話今次 H1N1 要特別注意脾胃健康，而唔係 SARS 時既呼吸系統~~ anyway，保持整個人都健康就最緊要，密切留意病情發展...