試衫

啟然岩岩考完試，我地開始出動囉~~

呢排真係睇左好多間租衫既資料，今日係第一次去試衫呢! 其實都係無意中睇到 jewel sui 既 website，就比佢地 d 釘左 swarovski 水晶既婚紗吸引，哈哈~ 好靚啊...

個 sales Crystal 真係好 nice，我件件話靚佢都比我試，任我地影相之餘仲幫我地 2 個影合照，好似真係去左影婚紗相咁~

試完即刻決定 join package 喇~ 又完成一個 task!

Mcmug Sleeping Party

今日去左灣仔 Mcmug Sleeping Party，買左好多 mcmug 產品呀!

好多都係留返新屋用既，床單枕袋、浴簾、廢紙筒、碗碗碟碟、cushion、大毛巾、暖水袋... 連揮春都買左 2 張... 唔係新屋用既當然仲有大把... 一次過掃成千蚊 mcmug，實在太開心!!

倒數一年

講下講下咁快到今日，12月2日...

開始倒數一年啦~ 有 d 緊張添! 驚自己唔夠 fit、驚搵唔到岩心水靚衫、化妝、攝影錄影...

係時候要正式邀請好朋友加入姊妹團囉~~ 上星期食飯向 cathy & brenda 放左風，點知原來 brenda 計劃 3月飛去瑞典讀書(&拍拖? 呵~)，可能再下一年先返黎，唔... 真係做唔到姊妹都唔緊要，如果你黎唔到飲 2 個好姊妹既結婚酒就可惜左 d 喇~

近日啟然都忙於工作、讀書、考試... 上星期認真傾過，佢終於決定黎緊 2 個 sem 都只 take 一科，希望有多 d 時間籌備婚禮，要等多半年先可以拎個 master degree 喇...

加油...

減息

沖完涼出黎聽到東亞減息，哈哈哈哈...

真係超級好消息!! 我地o係最高息既時候買樓，好辛苦呢~ 岩岩供左 3 期就有得減息，希望之後陸續有黎啦!!

尋晚整左蛋撻，正!

wedding expo

今日去左 wedding expo，第一件事去買美心餅咭，仲有 150 送 10，好野~~ 唐餅西餅都買齊，完成左一個 task!

好多野要準備，好在我地有充裕時間，可以慢慢比較，今日逛左一間攝影攝錄公司，睇睇下又睇埋化妝、花球、租車... 而家大部份公司都攪一條龍服務，好鍾意 d 花球呀! 哈~ 又係花... 個 MUA Deko 真係幾好傾，所以坐左好耐，最後 join 埋試妝添!

行過去探下中哥，竟然見到以前個分店文員，但... 一路傾都實在講唔出佢個名，所以唔敢介紹比啟然識，卡卡~

唔... 到底橙定果盤好 d 既呢?

揀相喇~

今晚 8 點都未夠去左 Julia 度揀相，剛剛好係影相 2 個星期後... 揀下揀下差不多 12 點，出返黎岩岩見到紅館 concert 散場~ 哈哈!

睇返當然覺得好得意，諗返好多o係台灣影相時發生既事，估唔到有 d 借位影得咁靚，不過有一 d 以為會好好但並唔理想! 影左唔知幾多張，但攝影師揀出黎比我地都有 3xx... extra 每張 $400 實在太貴喇，所以好多幾靚都要忍手篩選下!

我地係第一 pair 香港客試佢地新既 digital，我個人又真係幾鍾意 digital 出黎既效果，另外特殊菲林 & 黑白都好特別，所以都有揀到，不過最鍾意都係花花草草，尤其係果個白色鮮玫瑰花球，非常簡單，但一見鍾情! 呵呵~

Julia 比香港一般婚紗攝影好既地方係一次過比左錢就乜都唔駛再加，包括任何 effect 相片、油畫框... 揀完一輪又一輪都無壓力，package 都包唔少相，所以我地都唔算加好多相，但佢地完全無 sell 我地再要多 d，最後仲打埋 9 折，唔錯唔錯~ 服務 & 質素都好好，所以比香港貴咁多都值得既~

農曆新年前 d 相簿、油畫... 就會寄到返香港喇! 拜年多左個節目，各位親戚朋友可以齊齊睇相，哈哈~