我們的婚禮進場片段

同 cilla 傾計，講起呢條片段... 又搵返出黎~

真係好鍾意呢條片，唔係因為特別精彩，而係諗返個製作過程，自己一手一腳做出黎，好多心思好多回憶...=)

同呢個 09新娘講起樣樣野都加價，大家笑緊 07年嫁同 09年嫁真係好唔同價!! cilla 揀左既化妝、攝影、租衫都係同我一樣，化妝小姐個 updated price list 已經比我 "當年" 加左超過 95%! 好在 cilla join 既時候都未去到呢個 "價位" 咋~

結婚真係好多野準備，好好享受呢個過程喇~ 自己參與多 d，日後回憶多 d~

太空漫步

叻! 雖然遲過人地幾十年，不過做世界第三都好犀利啦!

以為佢漫步真係會 "行"，點知原來只係飄飄下~~ =P

奶奶生日飯 @利苑

全部都係貴精不貴多... 所以 7 個人已經點左好多款~

蛋白杏仁茶好味!

記得第一次食係當年我辭職後，Michael哥搵我去公司樓下利苑傾計，佢點比我食既，其實我鍾意食杏仁，但好怕 "杏仁霜" d味，所以當時都係比面試下咋... 嘿~ 點知原來係好好食架!! 好香，但無 "杏仁霜" 果種 "假" 既味~ =)

老爺生日飯 @龍皇

係幾個禮拜之前既事，因為換左電話，岩岩先抄返晒 d 相。

(D 相影得麻麻，所以無 post 晒)

呢間野出名都係因為阿幟哥，咁當然估到佢 d 出品係好食啦! 弊在服務同環境都唔得呢...

每一道菜都要等，基本上唔會同時有兩道菜在檯上，越夜越等得耐，有個侍應應該係被 assigned 睇住我地張檯，佢見到我地張檯面空左成半個鐘，走埋黎話「我幫你追左好多次架喇! 我係咁追個營業經理，佢就話 "咪 x 嘈、咪 x 嘈" 唉，我都見到你地等左好耐，咪追佢囉，佢又"咪 x 嘈"... 」類似說話連續講幾次，仲越講越火...

等果個 (即係我地) 都無乜野，反而佢仲緊張，不過緊張成點，都唔應該o係個客面前投訴佢個經理，亦唔應該覆述佢地之間果 d "咪 x 嘈" 既對話... 真係嚇親人...

生日禮物 from bibi chan

個樣好奸! i like it!!

老翻大全

OKAY...


本來旺仔都已經唔多討好，仲要整個旺子... 旺夫益子?!


左：「廉」師傅 / 右：康師傅


左：「雲」碧 / 右：雪碧


你... 喜歡 PUMA 嗎?!


一對鞋兩個牌子，抵喎!


呢個 KFG 叔叔後生D喎!

祖國真係無奇不有，原創既創意得10%，留返90%腦力去諗翻版~~ 哈!

http://www.6park.com/enter1/messages/61520.html

雪花多到凍死人... -__-"

尋晚都已經有 d 閃閃下，今早開機仲慘... 花到好似以前o係大陸睇 TVB 咁...

恭喜恭喜~ 聰BB出世喇!!

代表公司準備既禮物~ =)

生日禮物 from moc

上回話說我屋企多左個新成員輝輝，補記返係 moc moc 送比我既生日禮物呀!!

偷左 3 張相返黎，嘻!!


學人寫生日卡... 但點解我收到果張無腳印既?!


moc 後面果個係 mcdull 廁所板套，好得意架! 可惜屋企個廁所板唔岩 size，要研究下點樣先套到落去...

C 家湯水 之 猴頭菇响螺片湯

放左入廚櫃超過半年既湯包先生前兩日終於出黎抖抖氣，第二日連同半斤豬展被葉家小新抱放入湯煲，一鑊熟。


人家寫明12碗水煲2-3小時，足3-4人飲，葉家小新抱估估下放左半煲水，煲完得返… 咁多(見下圖)… 足3-4人飲… 如果每人飲半碗既話… 嘿~~

葉生發現左呢煲超濃&鹹 (都無落鹽!!) 既湯，忍唔住加左2大碗水落去，結果… 又淡左d喎… 算啦… 其實都OK既 (我地唔係好高要求姐… 嘻!!)

扮可愛

扮可愛 (正等餵食中...)

Polo

為左寄個掛號，12:45衝出門口趕上去郵局，差d氣絕身亡...

寄完信見到先施擺左個特賣場，d Polo 恤好靚呀，200 蚊 2件好抵，買左 2件比老公... =)

鮑魚通粉

今朝去左 you me you me 食早餐... 鮑魚通粉

應該係鮑螺片，味道都 ok 架喎! 幾特別!

乜仔記土匪雞翼

尋日為左去拎船飛，同老公出左去佐敦，於是又去幫襯譚仔~
呢間都 OK，有深水埗總店既水準! 諗起葵芳新店，唉~ 真係要進步下啦!!

好想整土匪雞翼，上網 search 到一份食譜，下星期試下整先!

「乜仔記土匪雞翼」<-- 網主比佢既名稱 =)

做法：

雞翼 兩磅預先解凍
孜然粉　三茶匙
鹽　　　兩茶匙
豉油　　半湯匙
生粉　　兩茶匙
生油　　四湯匙
蒜頭薑　適量

1. 雞翼洗乾淨滴乾水份，加鹽醃半個鐘，之後滴乾水
2. 孜然粉、豉油、生粉、薑蒜拍碎，加生油，混合後用手不停楂，令薑蒜出味
3. 最後加入雞翼，不停按摩，直至雞翼變軟身，醃隔晚就可以煎
4. 煎之前黑芝麻薄薄平鋪碟上，雞翼一邊沾上黑芝麻
5. 平底不黏鑊燒微熱，雞翼沾芝麻面向下先煎，慢火煎，煎至出油
6. 雞翼反面加蓋子續煎五分鐘熄火再等待五到十分鐘
7. 直至鑊內沒有太多聲向就可鏟起

** 建議用大隻雞翼，能夠保全更多汁。　　

靚靚眼鏡

農曆生日前夕收到新眼鏡，真好~~

好靚呀，不過真係幾重，唔係好慣!!

過幾日影張相比大家睇~ =)

Happy Birthday to ME...

今日開集團例會，好多人... 雖然唔係好多人知我生日，但係熱鬧下都好開心! =P


一返到 office 就見到檯面有份禮物喇~ 嘻!!


仲有各同事、各朋友(MSN)既「生日快樂!」-- 真係好快樂~~


同事請左我去聯邦飲茶，7個人叫左好多野，真係好飽! 最 enjoy 係食飯既過程，乜都傾一餐，笑到好大聲都唔覺 (酒樓嘛...)，幾好呀!


o係呢個 "好日"，同 3位 trainers 傾埋 salary adj，佢地都好開心，正如佢地提及，得到「認同」、「肯定」... 大家繼續比心機啦!


夜晚本來打算去尖沙咀食日本野，後來收到 call，知道我部電話有得拎喎!!! 又會咁岩既?! 生日真係收返份生日禮物呀!! 我地即刻飛去旺角百老匯... 嘻... 終於有新電話用喇!!


返屋企拆埋老公既大利是，嘻... 今個生日真開心!

仲未有...?!

呀.... 今日打電話去百老匯，部電話仲未有貨呀!!

又話再等一星期左右...

佢比我選擇唔要，退返錢，或買其他野，或繼續等而 if 到時部機跌價，可以退錢再買過...

但係我要拎 HSBC 10% Reward，就乜都無得揀啦~ 車... 算... 等... 忍多一陣...

DHC

為左續個 20% off 會藉，尋日去左荃灣廣場上倉，cleansing oil 好抵好抵好抵!! 3 個 "好抵" 因為買3 送 3! 即係 6 枝 50% off 呀~~

仲有呢樣果樣... 買左大大枝 18000 mg 骨膠原，要記得晚晚飲!

我又縫縫縫...

想整個蛋糕，整左 d 生果先!

係咪好靚呢? 哈哈哈哈! 多謝!!

new member... 孔令輝

好得意呀... 好似係我既第一隻輝輝公仔

新眼鏡

上星期訂左鏡框，尋晚走去驗眼，不過原來個框都未返，所以唔知幾時先有得拎...

隔左好多年無過膠框，會唔會怪樣呢? 嘻!!!!!

近日 office 興戴眼鏡，man 又配左新眼鏡，winnie 又多左戴 wor，遲 d 一齊戴眼鏡返工啦!