韓國遊 ~ Day 4 (28/3/08)

4am morning call...

4:45am 上車出發食早餐，精神嗎?

6am 去 shopping，咁大個女真係第一次喇~ last chance 買手信，呢 d 地方當然唔會平，不過仲有未買既野就買埋喇，又一大袋... 去到機場即刻放埋入喼，過磅先... 係 21.x KG...

唔記得左同導遊 say bye，我地入晒去禁區，嘻~ 今次班機好順利，準時 8:30am 起飛，唔知應該數 3日、4日、定5日既韓國之旅就完滿結束 lu...

多謝「身心康泰」，不過相信下次我地會揀返「永世不安」

韓國遊 ~ Day 3 (27/3/08)

今日朝早行程全部都係觀光，首先去左總統府... 個門口，之後係景福宮，睇左條八爪金龍，好多野其實都好似中國既 style~

韓屋村反而幾得意，少少體驗以前既韓國人既生活，成班人好鬼熱鬧，其他遊客/當地人可能都唔知我地做乜咁開心... 嘿!

lunch 食左「秘制燒排骨」，原來 = 韓燒，而燒既仲只係豬肉，唔明點解叫「排骨」，不過導遊話佢地係咁譯架喎... 今餐重點仲有紫菜夾飯，真係好好食架!

只有 2 個鐘時間行明洞、南大門... 最緊要又係去返果幾間野繼續揀繼續買，好開心! d 男同事都好有興趣睇，原來又係買野比老婆，咁乖抵我地介紹 d 野比佢地!

晚餐食「韓式火鍋」，再一次估佢唔到，個火鍋唔係我地平時食開一煲水烚烚下，而係用一個平底唔知係咪叫鑊既野，以好少既汁「煎煮」d 豬肉、菜、粉絲...

因為聽日凌晨機走喇，今晚大家都出盡全力去掃貨，去到東大門繼續買 skin care & 手信，我揀到條好靚既鞋仔電話繩，好開心~~

韓國遊 ~ Day 2 (26/3/08)

一朝早出去食個 buffet，就出發去 Kimchi School 玩整泡菜，雖然係好簡單 (應該係簡化左好多比我地試整)，都好好玩!! 因為係發酵食物，唔 keep 得耐，結果只係玩下，大家都無拎走，阿老師 (佢真係成日叫住自己做老師，攪鬼~) 話會送去比附近既孤兒院喎~

整完泡菜去玩著韓服影相，唔係好多同事影，不過我有影呀，靚唔靚就... 麻麻啦~ 嘻~

shopping 會令人醒神! 下一站就係開始 shopping 之旅，去左梨花女子大學購物區，去韓國梗係要買護膚品啦~ Laneige、Missha、Face Shop、Etude House、Skin Food... 見到樣樣野都平，真係忍唔到手，哈哈!!

lunch 係「韓國燒烤」，原來係 DIY 泡菜雞肉炒飯，幾好味 wor!

戰爭紀念館一站係影相位，我對 d 飛機大炮無乜興趣，見 d 大男人係咁影...

所以都係繼續 shopping 岩我多 d~~ 梨泰園睇完 Laneige 之後，到 COEX 購物城就主攻 supermarket，原來我地幾個都好有興趣行 supermarket，所以行得好開心，我仲買左全程最最最最重既一樣手信 ~~ 3KG 泡菜!

夜晚食「石頭飯」，加埋個雜菜鍋，nice meal~

韓國遊 ~ Day 1 (25/3/08)

嚴格黎講，我地個團可以話係 24/3開始，因為搭 25/3凌晨機，24/3晚已經集合喇~

有老闆請食飯，於是提早去左青衣店，好豐富既晚餐...

最好仲莫過於老闆揸車車埋我同 ah man 入機場，太好了... 望住件行李都頭痛... 嘻!

9:30pm 到達機場，估唔到有同事仲早過我地喎! 大家都好著躍咁，身為攪手覺得好開心... 話時話，呢次係第一次攪海外旅行，成七十幾人，前期準備功夫實在太煩，不過呢刻開始有領隊帶住，我梗係變成為玩既一份子喇~~

同 ah man 去唱錢，入定利是封，攪攪下已經 10:30pm，最遲幾個都係 office 同事，失禮...

12:20am 預定登機時間，廣播通知機件故障要 delay，救命... 最初知道搭凌晨機，d 同事已經擔心好累，而家仲要滯留喎... 傾左陣計開始肚餓，就去左大家樂(唯一 24-hr 餐廳?!)，第一次感受咁靜既機場，都幾特別，好好既體驗~~

2:45am 左右終於登機，好似細個去 camp 咁，過左最眼訓既時候，個人就已經係眼光光，結果 3個幾鐘機我去無訓過，大韓機又唔似 cx 咁好有電視仔，悶~~ 4:00am 食左餐韓國餐，呢餐係宵夜定早餐呢? 哈... 係機上望住日出，好靚啊...

大約 7 am 落機，過關用左好耐時間，前面有排白帽黨塞住晒，個個都 check 好耐，係咪法x功既人呀? 阻住晒...

派完利是(其實係自費餐既飯錢，so nice)，齊嘩嘩去左麥當當食早餐，包無款揀仲要係縮水既，飲品得咖啡或汽水，um...

第一站係去 Everland，訓都未訓夠就去玩，夠刺激!! 估唔到班大男人會玩得咁開心，仲會細心買頂公仔帽比個女~ 我地幾個主攻 d 家庭樂既野玩，碰碰車、摩天輪、旋轉木馬... 只要心情好，玩乜都好開心...

之後去左華克山莊賭場，係我第一次去賭場架(連澳門賭場都未去過)，我只係旁觀者，不過睇都睇唔明，淨係見到 d 人好豪咁推 d 籌碼出去 -__-"

第一晚晚餐食「冬草人蔘雞」，諗起 d 蔘味，仲有淨係食雞... 真係成程車都無癮，不過無得揀既情況之下都係食啦... 原來無蔘味架喎，嘻~ 正!!!

返酒店... 其實佢並唔係酒店，應該叫商務公寓，好簡陋，乜都無，仲要勁細，打開門兩步就到張床...

我地幾個自己出街，雖然好飽，都想試食地道野，結果 6 個人去食韓燒，只係點左 2 款食物，但份量非常多! 味道都 ok，旨在試下開心下姐! 嘿~

其實個人好累，一次過訓返兩晚既覺 Zzzz...

出發 lu~

今晚飛喇... 公司旅行~~~ trip to Korea

好耐未試過自己出門 (即係無男朋友 / 老公陪)，要自己顧住晒 d 野.... um...

用左個新喼，因為好大，所以只係用一半就夠，但係.... 點解咁重?!

紫菜、辛辣面、泡菜... 仲有 laneige、etude... 應該夠位帶返黎既 =)

唔知今晚零晨機訓唔訓得著...而家去訓陣先... Zzzz

呆了一天

復活節假第一天...

老公要返工，繼續處理死 server 既善後工作，計劃返半晝，下晝就去奶奶度。

我朝早 9 點幾就起左身喇，想落街食早餐，但覺得個人唔係好舒服，換完衫都係放棄左呢個念頭，食完藥打機打到眼瞓...

1 點鐘電話響，以為係老公，原來係 sell 野... -__-

老公打返黎話我知仲有排做，唔... 自己食晏仔... 想落街... again 放棄左。

硬係唔舒服咁，於是決定繼續訓... 5 點幾醒左好肚餓~~~

最後老公成9點先放工，即係話我地都無去到奶奶度，我就係咁過左一日喇... 不過休息下都好，千祈唔好病，過幾日要去玩嘛... 個腦就諗緊去到機場比人彈返轉頭... 哈!!

我們的家

都算係七七八八喇，公開比大家參觀下先~ 嘻!!



一開始就決定白色白色白色... 結果一屋內差不多 9 成傢俬都係米/白色，好鍾意個電視櫃同飾物櫃(from IKEA)，幾實用，最緊要係位置好 fit~

"懶"靚轉角書櫃，again from IKEA，其實咁樣放係浪費左後面一 d 位架，不過我地又貪靚，算啦! 不得不提前面影得半張既餐檯，真係年幾之前第一次向 IKEA 見到佢就愛上，d 椅可以完全收晒入張檯度，好慳位架!

飾物櫃有一層好快比我攻佔左，嘻! 唔知有冇一隻係你送比我既呢?



好舒服既 sofa (都係 IKEA)+ 好得意既豬仔

其他地方都仲有"佢"

因為度唔岩位既關係，主人房迫不得已放棄左 IKEA，去左另外幾間買趟門衣櫃、化妝檯

仲有訂造左張床，手工好好、好舒服喎，有需要整等我介紹比你丫~

另一間房仲爭少少，所以唔影 lu~~

雖然屋仔細細，但不竟都係自己第一次話晒事去整、佈置，所以即使唔係豪裝，仍然感覺好特別!