魚爸揹魚魚

魚爸揹魚魚行街，魚魚睇野都寧捨廣闊，哈哈!!

去九展 759 買游水片，$32 x7折 x88折，唔駛 $20!

行過見到賤熊2 廣告牌，仲高過6呎魚爸! wahaha

魚魚圖書證

17個月BB，申請返張圖書證先，仲參加埋閱讀計劃，職員問佢讀幾年班，原來好似 K1先可以? 不過最後都比我申請~~

3rd lesson @TKO playgroup

第3堂好似合作左，玩得幾開心!!

雖然好平，不過黎呢度上堂真係遠左D，target 搵返九龍灣~

Catalo 3折

收到風Catalo做12件3折，即刻走去望望先~~

好抵啊~~

最緊要魚魚鍾意食 =)

刺身飯

魚爸抽到 Samsung IRON MAN 限量版電話，賣出賺錢分左俾魚媽，魚媽好識做丫，去一田買左好多豐富材料，今晚整美味刺身飯~~~

雖然魚媽唔食刺身，但見魚爸食得開心，我都好滿足!!

靚靚三角巾

不安

尋晚發惡夢見到媽走了，
夢中的我沒有很大情緒，
但醒來後一直好不安...

很害怕很害怕，
害怕面對失去你的日子會怎樣過

爸爸節快樂

簡單樂富逛街，吃拉麵，行街市，爸爸還買禮物給小魚，滿足快樂，只要在一起一切很美。

端午節 - 游龍舟水

今早打羽毛球後，去日本城買了吹氣船仔，下午即興帶魚去佐敦谷泳池，超級多人，全場滿，要等人離場先可以入，等了超過半小時，終於入場玩，小魚少少驚，越玩越開心，好可愛!!

終於叻叻行路

16mths 終於完全放手自由行

自從無左圍欄極速進步，
一早應該賣左佢! 嘻嘻…

有個女仔又係放羊中，
兩個互相認識玩一陣，好可愛

魚魚500天

今日同婆婆&魚魚去樂富，午餐食西龍xx，好似係以前賣飯團果間? 魚好攪笑，一想食野就主動錫婆婆，然後手指指食物再點頭，可愛!!

食完去逛樂富街市，果然超靚，好乾淨好整齊，魚好high，去不同檔口都尖叫，好多人望佢笑笑口!

不經不覺原來500天了，這500天很感恩很快樂，願婆婆快快康復，健康陪伴你成長。

泰山公德會

自從見朱醫生後，媽好似積極了，她想看中醫，二話不說放工就帶她去，沒有特別心水，但希望近近地免勞累，上網找到資料說泰山公德會專看癌症，是義診，可自行選擇去那配藥，一於試試。

地方頗大，有 open office，似乎有其他活動室，但診症室很細，不能關門，奇怪!! 我估計工作的是義工，很友善有禮，感覺不錯。看來人不多，但是登記後等了2個小時! 每位病人入去都有20分鐘以上，其中有1個應該有40分鐘! 倒應欣賞醫師的認真吧!

醫師果然看慣癌症，問症題目很清晰，也仔細，簡單來說媽媽脾虛，開藥3劑，翻煲一次，即6碗。反正沒有相熟藥材店，便去了7樓執藥，共180，十分合理。

之後去日本城買電子藥煲，239，不用看火，煲剩約1碗水會keep warm，幾方便!

希望夾到，調理改善身體!

TKO playgroup

今日去試 tko playgroup，私人開班，租用社團中心活動室，環境可以。

1小時課堂，頭10分鐘等人，尾10分鐘食餅，中間活動好rush，每個環節玩兩玩便完，但變化不多，導師態度一般，可能因為不斷叫自己個名，令人聽得煩厭呢!

魚魚狀態也一般，不適應經常派完很快又收玩具，每次都喊喊，希望下堂好些吧!

轉移了嗎...

很不容易才捱過了半年化療，為何媽媽要受這麽多苦呢？

2月&4月 ct scan 均見到肺有小點，而且有增大及增多，加上 CEA 一直上升，朱醫生認為很可能是轉移了到肺...

朱醫生說數量多而細，情況難做手術，或做化療。待7月做 ct scan 看情況。不建議做 pet，因太細，而且pet 照腹腔清楚但肺不清楚。

朱醫生今次態度嚴肅了，聽到媽媽說辛苦，醫生說休息下，到底是否放棄治療? 我更不敢問到底情況是否壞到盡...

why...

一生勞碌，捱過多少苦，這年有了小魚見她笑得開懷，天意偏偏如此弄人。

珍惜，珍惜在一起的每天。

重整魚魚樂園

搬走左圍欄，魚魚好唔開心，喊左幾次攤開手板話無，攪到我都好心嗡...😓

買左新櫃，重新執過玩樂區，多少少位置玩，希望佢聽朝起身開心返啦！