曬太陽?!

呢條魚仔真係好過癮，
自己擺左呢個pose，
仲要望住鏡頭比我影相，
老積到呢……

樓上舖衫仔

觀塘有好多樓上舖，
今日lunch是但上左一間，
唔少都係淘寶貨，價錢都ok，
仲有少少玩具同用品賣，
揀左2件，蜜蜂仔$53，t shirt $25，
有前有後，靚靚!!

759 麵包蟹

第一次試，600-800g 折左 $48，
真係好平!!

殼好硬，好難咬或鉗開，
味道都ok，點少少辣醬油唔錯!!

Happy Mama Group gathering

今日識左11個朋友仔，
第時大啲識行識走仲好玩!!

第一次著裙仔

Vivian 姨姨送嘅裙仔，9mths 架，
竟然穿上唔夠3個月魚魚身上剛好，
哈哈哈哈哈!!

又有禮物收

From Vivian ee

Nutrilon 奶粉

早排參加活動攞試飲，
送黎係貨裝大罐……
慳唔少，嘿嘿!!

望轉轉

好叻叻，識望住公仔轉轉，
仲會笑呢！

BB按摩班

識左班1月媽媽，
其中有一個識bb按摩，
今日一齊玩下，好開心!

魚魚第一次抬到個頭咁高，
叻叻豬!!

淘寶

第一次淘寶，順利收貨!!

扮靚靚

第二次見張醫生

第一次係出世一刻，
由張醫生抽左魚魚出黎認識呢個世界，
今次2個半月大抱住影相喇，
幾個姑娘都爭住抱，又同魚影相，
好開心呢！

扮野王

明明玩緊，突然扁咀扭抱，
真係好好戲!

影靚相

預早2個月開始搵攝影師，
要幫魚魚影輯靚相，
見到有人share阿禮啲作品幾靚，
本來想約滿月或百日影，
滿月無期，決定揀4月頭，
影定百日比大家睇!

阿禮同助手都好年輕，
好有禮貌，識氹bb笑同瞓覺，
睇見佢地啲裝備真係辛苦晒。
話影2個鐘4個造型，
結果前後3個鐘，都唔記得幾多追型。

魚魚好乖，中途喊咗2次，
餵左少少奶又乖返，
佢成日望實哥哥姐姐，好開心咁呢!

期待睇相!!

唔肯食奶樽

救命，餵奶辛苦過返工……

呢兩日突然好痴身，
唔肯食奶樽，一掂奶咀就喊，
埋身就啜，即係揀野食啦！
激c我了！

可能下星期就要復工，
無可能餐餐埋身，唔知點算?!
婆婆一個人湊已經辛苦，
仲要食到咁……

好煩惱。
╮(╯_╰)╭

契公公婆婆

契爺契媽過左黎睇魚魚，
一齊去稻香飲茶，
魚魚仲有禮物收呢！

759 尿片

婆婆錫魚

婆婆真係好錫魚魚，
攬住咀咀先

兩隻鴨

第一包冰奶

6/3 第一次冰奶，
成廿幾日，聽聞越耐越騷，
今日試下溶俾魚魚食，
睇下佢食唔食先?!