傢俬

近幾個月出街都會好自然去左睇傢俬，尤其係 IKEA，越來越鍾意佢 D 產品，淨係行都已經好開心，樣樣都喜歡，好似果個大大磨砂趟門衣櫃，次次去到例必埋去摸摸佢，明知睇幾廿百次佢都一樣，更明顯知道九成都搬唔入我個 6 百幾呎既單位... 一心諗住 -- 如果佢出個細仔版就好喇~~

今日目標係 B&Q，賣行廣告好似大到要行成半日先睇完咁，精彩既係佢吸引到人山人海，大概因為整個 mega box 都無野好睇，大家唯有滯留o係 B&Q，同行 IKEA 一樣，總會發現有 D 人坐o係度訓覺，係咪要試真 d 張櫈?

B&Q 比我既感覺係似逐漸升級既實惠 + 高級裝潢五金舖，佩服真係連水泥、木板都有得賣，但心諗要買呢 D 野既人 (大多係裝潢師傅喇掛)，又會唔會向樹買呢?

行完 B&Q，都係忍唔住上返去德福 IKEA 逛返個圈~~ (仲食埋個爆谷添，嘻!!)