Maggie & Patrick... Our Precious Memories: 結婚半周年 ~ 布吉自由行

2008年6月16日星期一

結婚半周年 ~ 布吉自由行

話咁快就玩完 4 日，仲無啦啦加多左 1 晚台灣酒店 Zzz...

原來最難忘既野，係完左 4 日布吉行程先開始~ 13/6 晚本來 10:20pm 左右就會降落 HK Airport，遲左成半個鐘都未有 announcement，仲要望住外面勁閃電，係第一次o係雲上面望得到咁近既閃電，好恐怖... (我拍低左少少，睇下放唔放到上黎先!)

結果 11 點幾，captain 宣佈因為香港天氣太差降落唔到(後來知道原來當時掛紅雨)，計劃轉飛台灣高雄，但仍等台灣 authorize，10 分鐘之後 announce 會轉飛台北，機上好多人表現好興奮，哈哈~ 後來又話台北落唔到，去返高雄喎...

去到高雄都成 1am，由布吉起飛開始已搭左 5 個幾鐘 (已唔計時差)... -__-" 終於可以腳踏實地 (我次次搭飛機都會諗下自己會唔會墜機就咁死左架...)!!

港龍都安排得好好，一落機好快就有地勤收晒我地 d passports，因為唔比拎返寄艙行李，都有人鼓譟，不過好快就齊齊搭 shuttle 去酒店休息 lu!

除左第1次轉飛，第1次去高雄，仲有第1次住 5-star 既 executive room，嘻!!

好大好舒服... 41 樓望出去高雄既夜景，正!!

呢個咁特別既台灣之旅o係唔夠 12小時就結束喇，因為 14/6 朝早 10:30 已有 shuttle 送返我地去機場，等 12:35pm 再次起飛!

又因為佢 delay 既關係，我第1次去 claim 旅遊保險!!

真係好難忘既一次旅程。