最後更新：201212 ~~ 待續...
031. 好鍾意食米線... 譚仔、小雨天、雲南...
030. 最鍾意用既會員卡係元氣卡
029. Form 6 做左人生唯一一次暑期工，係先施既顧客服務員，時薪 $30
028. 會將 OFC 屬於我既地方佈置得靚靚，加強歸屬感
027. 鍾情黑朱古力，唔食白朱古力
026. 第一次唔係同屋企人去既旅行：大學畢業同 Cilla 去泰國
025. 對愛情小說全無興趣
024. 24 歲第一次做業主，乜都唔識
023. 第一次完滿整好既蛋糕係焗藍莓芝士蛋糕
022. 鍾意整甜品、蛋糕、小食... 但唔叻
021. 2003年大學畢業，正值 SARS!!
020. Jupas 排第一係 Nursing、第三係 Edu，完全唔同既三個選擇
019. 入 HRM 係我 Jupas 既第二"志願"
018. 第一部手提電話係 Motorola Hello Kitty
017. 鍾意去食壽司，但又唔食魚生
016. 鍾意飲仙跡岩既胚芽珍珠，好味!
015. 如果銀包同時有匯豐、渣打、中銀既銀紙，會用左中銀果張先，匯豐通常留最後
014. 非常討厭各式 "light" 飲品，好怕怪怪既代糖味
013. 大學畢業 5年，而家做緊第 5份工
012. 好憎 & 好驚「雞」，去街市一定避開呢行
011. 如果餐湯係紅湯或白湯，一定揀紅湯
010. 細個曾經以為「外國」係一個國家...
009. 中四某日上堂，阿 sir 大叫「我架車呀!」，佢從班房個窗目睹自己部車被人打爆玻璃
008. 就讀幼稚園時，曾多次被邀請到校長室畫畫/油顏色 (唔知點解...)
007. 3 歲時同爸媽講:「唔好當我係 3 歲細路仔」
006. 讀書考試時，喜歡深夜開著細細聲收音機溫書
005. 小時候期望 24 歲前結婚，結果遲左 2 年
004. 好鍾意逛超級市場，每次旅遊必到當地超市"參觀"
003. 曾在同一班房入面，有 2 個同我同年同月同日生日既同學
002. 9 月10日生日，處女座
001. 熱愛 mcmug & friends
沒有留言:
發佈留言