雪花冰冰~

上次行過糖百府雖被吸引但好飽，今次就專登去食佢既雪花冰~

自選組合真係 good idea，唔駛迫我食小丸子!!

我呢個係：綠茶冰 + 蜜紅豆 + 咖啡凍 + 朱古力樹皮 + 朱古力漿

~ 冰底好香綠茶味，唔似一般刨冰得果種冰水味

~ 咖啡凍好怪，我以為佢係韌韌地，原來係水咁溶晒，又唔覺有味...

~ 紅豆好好味!! 好蜜味，份量都幾多 (藏在冰底之下~)

~ 食食下覺得唔對路... 極懷疑佢係無比朱古力漿我!! 嗚~

老公呢個係：咖啡冰 + 芒果 + 椰果 + 朱古力樹皮 + 榛子糖漿
~ 冰底好香咖啡味，我地估佢所有冰底都係真材實料
~ 芒果唔係酸，不過都唔甜，重點係覺得同個冰唔係好襯!!
~ 唔覺有榛子糖漿!!

如無記錯，好似係食左 61蚊~

都唔算好平，不過而家許留山都要呢個價錢... 雪花冰就好似特別 d 啦!

** where to go **

糖百府
旺角黑布街99號地下