榴槤

星期六突然想食榴槤，同老公落去生果檔睇，金枕頭 $10/磅都唔平，老細幫我地揀左個 $85，好貴... 不過想食就算啦!

滿心歡喜... (相信大家已估到唔係好結局)

返屋企打開黎睇，咁鬼少肉既?! 8.5 磅既榴槤先得 3 舊肉?! 其他零零碎碎就好多，似乎佢好似未熟...

最慘都唔係少，係無味!!! 無味既程度係食落索索聲，水一樣清淡!!!

好鬼嬲.... 個老細一定心諗有 2 個傻仔幫襯左佢買個劣品!!

---------------------------------------------------------------------

星期一放工我地去左惠康買野，見到榴槤 29.9/個，當然 size 細好多~ 諗返起星期六咁唔開心，於是今次自己出手揀!! 查實我地 2 個都唔識，只係聽阿媽講過少少方法，心諗 30 蚊姐，買錯左都無咁心痛!!

返到屋企，阿媽話唔夠熟，聞一聞又好似真係乜味都無喎!! 好彩未開可以放下先，於是就將佢放o係窗台曬太陽~~ 曬左 1日之後，今晚老公就手起刀落!

嘩~~~~ 好甜呀~~~ 好腍添!!

當然老實講佢既香味同真正既金枕頭仍有一段距離，不過邊個叫我地買左個劣質既金枕頭呢?!? 相比黎講，今晚呢個真係太太太太好味喇~~~